三公台灣料理 (Closed)

呢到嘅拌麵🍜好多款配料揀，今次我揀咗安平蝦卷，彈牙又好味😋我朋友就揀咗櫻花蝦拌麵🍜係熱門推介之一，蝦乾香，令到拌麵鮮味提升。唔想食辣的話，醬汁係有啲肉燥汁，所以唔會好乾，更帶有台式風味。想食辣可以揀椒麻味！所有拌麵會配野菜、古早味炒冬粉係一份好豐盛的便當！以上便當仲會送飲品，例如山茶花烏龍、古早味冬瓜茶等台式茶飲。另外，叫多一份椒麻拼盤，有金錢肚、牛舌、大腸，感覺自己去咗台灣夜市咁，夠晒地道。食食下都覺得幾辣，係慢慢滲出來，食完舌頭微感麻痺😋最鐘意金錢肚，夠爽口，而且啲蜂巢形狀洞口鎖住醬汁，juicy!香菇貢丸湯都不錯，貢丸同手打個種差不多彈牙，又飽滿多汁，湯底也清甜。餐廳仲有不少bear brick 收藏品，坐位同環境舒服，大家可以一邊欣賞藝術品，一邊享受美食。係旺角性價比高，價錢算平。