Video
Read full review
2019-10-09
338 views
阿元來了！台灣來了！ 前往台灣嘅入口係唔起眼嘅停車場中，但好快就會見到有人龍。好彩中午大約1點排隊，都唔係排咗好耐就有位。一入去就係另一個世界。嘈雜嘅汽車聲慢慢淡出，取而代之係一首又一首熟識嘅台灣歌。阿元來了嘅環境完完全全係台灣90年代風。海報、車站、戲院牌匾、街邊小食店...一幕幕都令我同友人感覺置身於台灣。 可惜阿元名氣太大，多人食，好難打卡。小提示：有心理準備要搭枱架！ 阿元除咗帶來視覺同聽覺享受，味覺當然都出食。我同友人二人太多嘢想食，所以決定share。叫咗招牌阿元滷肉飯、玉米芝士蛋餅、芋泥蛋黃卷，同埋兩杯奶蓋茶。蛋餅係最好味，有Q彈嘅感覺。本身蛋餅味道較淡，加埋面頭嘅醬汁好夾。不過就唔建議點甜酸醬食。芝士配玉米嘅組合永不出錯。蛋餅唔膩，食完仲想再食。阿元滷肉飯分量都唔少，夠兩個細食女仔食。滷肉肥瘦適中，唔會有太多罪惡感。滷肉汁配飯唔會咸，一口接一口。豆腐都好入味。芋泥蛋黃卷驚喜一般，友人仲話似中式甜品。$30 得兩件，性價比一般。芋泥甜度適中，亦好足料。炸粉算薄，第一啖已經有芋泥。不過相對芋泥，蛋黃分量太少，食到最後先食到少少。加咗蛋黃係唔同，有層次，除咗芋泥嘅甜，仲有蛋黃
前往台灣嘅入口係唔起眼嘅停車場中，但好快就會見到有人龍。好彩中午大約1點排隊，都唔係排咗好耐就有位。一入去就係另一個世界。嘈雜嘅汽車聲慢慢淡出，取而代之係一首又一首熟識嘅台灣歌。阿元來了嘅環境完完全全係台灣90年代風。海報、車站、戲院牌匾、街邊小食店...一幕幕都令我同友人感覺置身於台灣。 可惜阿元名氣太大，多人食，好難打卡。小提示：有心理準備要搭枱架！
阿元除咗帶來視覺同聽覺享受，味覺當然都出食。我同友人二人太多嘢想食，所以決定share。叫咗招牌阿元滷肉飯、玉米芝士蛋餅、芋泥蛋黃卷，同埋兩杯奶蓋茶。
蛋餅係最好味，有Q彈嘅感覺。本身蛋餅味道較淡，加埋面頭嘅醬汁好夾。不過就唔建議點甜酸醬食。芝士配玉米嘅組合永不出錯。蛋餅唔膩，食完仲想再食。
玉米起司蛋餅
$30
38 views
0 likes
0 comments
阿元滷肉飯分量都唔少，夠兩個細食女仔食。滷肉肥瘦適中，唔會有太多罪惡感。滷肉汁配飯唔會咸，一口接一口。豆腐都好入味。
阿元滷肉飯
$40
57 views
0 likes
0 comments
芋泥蛋黃卷驚喜一般，友人仲話似中式甜品。$30 得兩件，性價比一般。芋泥甜度適中，亦好足料。炸粉算薄，第一啖已經有芋泥。不過相對芋泥，蛋黃分量太少，食到最後先食到少少。加咗蛋黃係唔同，有層次，除咗芋泥嘅甜，仲有蛋黃嘅咸香。
芋泥蛋黃卷
$30
104 views
0 likes
0 comments
飲品方面就最為失望。跟飯/小食加$10就有台式飲品。我同友人見到阿元有不同口味嘅奶蓋，例如紫薯、竹炭、抹茶味，所以就再加$5要奶蓋。
我叫咗百香果綠茶加紫薯奶蓋。明明已經叫咗半甜，但都係好甜。紫薯奶蓋係有紫薯味嘅，同百香果綠茶唔夾。最大問題係奶蓋質地好稀，友人形容為sharetea嘅奶蓋，我覺得有過之而無不及。奶蓋係冇奶泡嘅感覺，唔creamy。友人叫咗紅茶配竹炭奶蓋，仲伏。我都叫做有紫薯味，佢個杯同一般嘅紅茶冇分別。外表好「驚」喜，成杯黑色，唔講仲已為係芝麻味。友人話芝麻味奶蓋可能仲好。
玉米起司蛋餅
$30
46 views
0 likes
0 comments
Post
