西門町台灣麵食 (Closed)

女人街一向有好多性價比高既餐廳，今次嚟左一間好有台灣味道既小店，七點幾嚟到幫襯，人流絡繹不絕。北投怪味雞作為冷盤的怪味雞，肉質嫩滑，上面既配料有蒜、辣椒，芫茜等，微酸幾開胃。蔥釀炸大腸炸大腸偏肥，外層薄脆，入面肥美得嚟仲有條香蔥中和下，食呢碟小菜好有台灣既感覺🥰。臺式燙青菜上面有小小肉碎，拌埋鹵肉汁好入味。臺式擔擔麵擔擔麵有麻醬既香味，麵質既軟硬度適中，上面配小小肉碎，味道更豐富。肉燥新竹米粉新竹米粉要盡快食，如果唔係好快會索哂啲湯，同樣有埋肉碎，看似細碗但食極都仲有。擂沙湯圓湯圓上碟時仲係暖笠笠，咬落既流沙芝麻味道香濃，作為一個唔太heavy 既甜品真係好完美。香芋雪香好耐無飲過雪香☺️，加香芋係最正既配搭，連埋少少麥芽再多啲口感。珍珠奶茶無專登嗌少甜，但甜度控制得啱啱好。整體上，所有食物都係水準之作，有機會會再嚟食😋。