Video
Read full review
2024-03-08
33 views
壺 Potion House📍灣仔大王東街20號地舖朋友老細好好人，返工久唔久都會買手搖慰勞下同事，所以朋友公司附近嘅手搖店基本上都試勻晒。最近佢office經常叫呢間壺嘅飲品，而每次佢都會影相同我分享，搞到我一直心思思想飲返杯。有一日我行經利東街搵餐廳食lunch，發現原來佢就係附近，所以即興約咗朋友放工陪我飲返杯，避開人潮。壺除係全港首間以果凍為主題嘅茶飲店外，以藍、白、金作簡約裝修嘅門面非常吸引途人目光，加上係台灣人研發嘅品牌，亦設有少量座位同餐檯仔，令人覺得耳目一新。 💰$42鐵觀音芝芝奶蓋 🫖朋友一向都係經外賣速遞形式叫佢哋嘅飲品，即沖即飲真係第一次。友善嘅店員推介佢揀微甜半冰呢個組合，再建議佢以$5加配桃花紅茶凍，一嘗佢哋手工製嘅招牌果凍。芝芝奶蓋系列除咗鐵觀音外，其他都俾朋友飲過哂，佢話鐵觀音嘅茶底濃香，飲得出係用靚茶靚料沖泡嘅。桃花紅茶凍為飲品增添口感，以紅茶製成嘅手工果凍味道相對清新，用飲管小心一吸，口感滑溜帶花嘅幽香。芝士奶蓋厚度稠度適中，cream cheese味帶少少鹹味，飲到一半時混合茶中，搖身一變成奶味濃郁嘅茶飲。朋友最喜歡佢哋輕盈健康嘅感覺，咁大杯嘅飲品飲
📍灣仔大王東街20號地舖
朋友老細好好人，返工久唔久都會買手搖慰勞下同事，所以朋友公司附近嘅手搖店基本上都試勻晒。最近佢office經常叫呢間壺嘅飲品，而每次佢都會影相同我分享，搞到我一直心思思想飲返杯。有一日我行經利東街搵餐廳食lunch，發現原來佢就係附近，所以即興約咗朋友放工陪我飲返杯，避開人潮。
壺除係全港首間以果凍為主題嘅茶飲店外，以藍、白、金作簡約裝修嘅門面非常吸引途人目光，加上係台灣人研發嘅品牌，亦設有少量座位同餐檯仔，令人覺得耳目一新。
[價錢 Price]
💰$42
鐵觀音芝芝奶蓋 🫖
朋友一向都係經外賣速遞形式叫佢哋嘅飲品，即沖即飲真係第一次。友善嘅店員推介佢揀微甜半冰呢個組合，再建議佢以$5加配桃花紅茶凍，一嘗佢哋手工製嘅招牌果凍。
芝芝奶蓋系列除咗鐵觀音外，其他都俾朋友飲過哂，佢話鐵觀音嘅茶底濃香，飲得出係用靚茶靚料沖泡嘅。桃花紅茶凍為飲品增添口感，以紅茶製成嘅手工果凍味道相對清新，用飲管小心一吸，口感滑溜帶花嘅幽香。
芝士奶蓋厚度稠度適中，cream cheese味帶少少鹹味，飲到一半時混合茶中，搖身一變成奶味濃郁嘅茶飲。朋友最喜歡佢哋輕盈健康嘅感覺，咁大杯嘅飲品飲完都唔覺好大負擔，用料上乘，實屬難得！
[價錢 Price]
💰$44
斑蘭撞椰奶 🥥
我甫見到menu就已經俾呢杯咁特別嘅斑蘭撞椰奶吸引住眼球，除咗因為我自己本身好鍾意飲椰奶之外，好似真係比較少會喺台式手搖店見到咁有南洋風情嘅配搭。我按店員嘅推介，揀咗微甜微冰，一入口就係好濃香嘅椰奶味，慢慢將頂層嘅斑蘭混入後，味道變得更香甜、更有層次。
佢嘅質感比一般嘅泰式椰奶類飲品濃稠，但飲落無咁甜膩，而且斑蘭味道天然，無任何添加劑，飲咁大杯都無罪惡感，相信夏天時飲會更解熱解渴！
Post
