茶木‧台式休閒餐廳 (MegaBox) (Closed)

響九龍灣行街，順便入下貨。嚟到Megabox 茶木食個台灣麵，叫咗個微辣手工伴麵嘅套餐: 有金盞花螺片濃雞湯，自家製麻辣拌麵，同埋仲有一個麻辣鴨血同腐皮素雞。我另外加左杯凍奶茶。呢個餐嘅份量對於一個女士來講就啱啱好，但男士就可能未必夠食。想講個雞湯超濃，餐牌果然無呃人😝裏面亦都有幾件雞件、有兩朵金盞花(有少少甘味)、仲有雞脾菇，幾樣野裡面最正就係個湯。而個麻辣鴨血都有煙煙奀奀，但就唔夠麻辣味(真係餐牌寫嘅微辣)，同埋得一件又唔夠喉😅個腐皮素雞就個皮比較硬😪最後個麵都夠彈牙，有少少麻辣醬撈落去都夠惹味。整體來講都可以啦。