大苑子 (K11購物藝術館) (Closed)

趁住復活節假期，係K11 art mall行下街, 行到攰見到有間新開的台灣茶飲店，原來係被譽為全台灣第一水果茶店的「大苑子」。佢地主打使用百分百天然水果即叫即榨，為咗保持產品的質素，佢地仲會由台灣直接將水果運到香港，出品絕不含濃縮果汁👍🏻所有飲品都可以揀無糖，三分糖，半糖或者七分糖，既健康又天然，當然啱晒我啦😍茶飲店設有少量堂食座位，文青裝修感覺寫意，行到攰坐低飲杯招牌水果茶都唔錯架❤️🥭經典愛文芒果冰沙 $48～ 四月係台灣屏東枋山枋寮的愛文芒果成熟的季節，大苑子會嚴選達至14度甜度以上的愛文芒果，待芒果生長至最佳品質才採摘。呢杯被譽為台灣超受歡迎👏🏻嘅飲品，全台銷售突破百萬杯。用上足足兩個新鮮愛文芒🥭打成幼滑沙冰，真材實料，底層放滿Q彈愛玉凍，加埋粒粒芒果肉，冰涼清爽，味道天然唔甜，口感層次非常豐富。🥤繽紛水果茶 $38～ 必試呢杯招牌的繽紛水果茶，佢要冷熱都可以。水果茶用上五種水果，會隨季節變換，今期有蘋果🍎橙🍊招牌芒果🥭青檸🍋和百香果，加埋台灣百香果汁及金桔汁。我揀了無糖版本，可以飲到水果本身的酸甜滋味，水果茶不單止清爽解渴，味道酸酸甜甜，一路飲一路食埋啲水果，絕對係兩種享受😎