燈籠滷味 T.P.E. (M88) (Closed)

太耐無去旅行，好掛住台灣味道！好彩依家香港係世界邨要搵食唔難，最近燈籠滷味係中環開左分店，材料係台灣直送，百分百還原台灣味！睇得出餐廳裝修上好用心，亦有唔少打卡位，嚟到絕對要影番幾張相！我同朋友大約1點多嚟到人流唔算多，不過疫情關係想外賣番去食。午市設有套餐，價錢約$80，還奉送古早冬瓜茶！點了套餐A，材料有牛筋肉、大腸、甜不辣、花干、花椰菜，非常豐富！特別是頭二樣滷得入味，甜不辣也是推薦的！每次食滷味也會必點王子麵(加底)，麵條索晒滷味汁！套餐C，材料有雞翼、鴨胗、麻吉燒、黑木耳、椰菜。叫套餐的好處就是每樣都食到，個人覺得全部都不錯！飲品方面，古早味冬瓜茶清甜解渴，食完滷味後喝一口減去幾分油膩感！