九份飽 (蜆殼街) (Moved) New Location

本身係芋圓迷， 時常四出尋找台灣美食 ，一嘗芋圓嘅口感。放工時間大約六點半去到， 唔算多人排隊，等候十五分鐘就已經可以入座。 首先點咗一碗大嘅懷舊魯肉飯， 魯肉飯唔會太油膩，肥肉分明，味道剛剛好唔會太咸👍🏻之後再點咗一個 滷味拼盤， 裏面有豬耳雞翼 牛展 豆腐 蛋半隻， 鹵水汁唔太鹹味道剛剛好 。其中最出色嘅係豬耳， 啖啖骨膠原嘅感覺。食完飯同鹵水拼盤又點會夠呢，點多個肉鬆起司蛋餅， 呢一個真係超驚喜，佢裏面仲有芝士， 配搭埋肉鬆，味道非常之好，必試之選。話明係芋圓迷，又點少得個主角 九份芋圓一碗呢。 點咗個 溫嘅芋圓， 芋圓嘅湯唔係紅豆係甜嘅糖水，芋圓嘅口感非常好。但 雖然話係點咗碗溫嘅， 但係豆腐花係冰凍嘅， 而芋圓係暖的， 加埋常溫嘅糖水，口感非常之怪，有啲難受。 最後只係食咗半碗。整體表現係良好嘅，但係糖水有待改善。