阿元來了 (北街)

Open Now

Now Closed

成日嚟堅尼地城，每一次都見到阿元來了門口排晒長龍。今日難得下午茶時段經過，完全冇人龍。所以就必定要入去試下究竟點解咁好味。我諗除咗係黃店之外，佢嘅食物都有一定咁上下嘅水準先可以吸引到咁多客人。咁就叫一個台灣必食嘅滷肉飯。呢一個係佢店嘅招牌菜有細碗同大碗嘅選擇。大碗配有半隻滷蛋、醃蘿蔔、幾條青菜。你見到佢嘅滷肉係肥瘦夾雜，所以係滷得特別入味同惹味，因為呢啲豬肉係要有啲肥膏先至有油香，不過唔怕肥膩，因為已經滷到落晒落個汁度。而且佢嘅肉質已經完全被軟化了，入口即溶般。再加一個小食鹽酥雞，外層既粉漿薄，而且夠椒鹽香，入邊嘅雞肉就保持到Juicy同埋嫩。食晒兩款台灣必叫嘅菜式，而且仲要唔使排隊，心入邊真係大滿足，係一個好運嘅日子。