麻神麻辣火鍋 (Closed)

良朋又共聚，天氣又凍凍地、大夥兒最好嘅選擇梗係打邊爐啦!~ 鹵水拼盤鵝肉同豆腐都非常嫩滑，鵝腸係用帶肥膏嘅上等貨色，鵝腎合格，入口淡淡鹵水幽香有層次，正！～ 麻神特選老饕鍋其實即係鹵水牛肉加牛什鍋。火喉十足、料靚、鹵牛肉同牛什都炆得非常入味、正！要挑剔的話個人覺得辣咗小小。～ 麻神鴛鴦湯鍋底一邊係台式麻辣湯底、正宗台灣口味、香味十足唔太辣，食慣國內油淋淋麻辣鍋嘅朋友可能會有D唔慣，食得辣嘅朋友其實係可以同侍應㗕加辣。靈魂嘅鴨血入口嫩滑非常、同臺灣做法一樣。另一邊青湯湯底加入昆布、淡淡海帶幽香、唔錯。～ 綜合鮮餃併盤（魚皮餃、冬菇椰菜餃、韮菜餃、鮮蝦雲吞各2 隻）合格～綜合丸子併盤（豬、魚、墨魚、蝦、牛丸各2粒）合格～ 新鮮元蹄根唔錯、越滾越滑、充滿骨膠原、正！～ 新鮮魚卜合格～ 排骨酥台式傳統街坊風味空運來港、其實係排骨酥炸後再𣲙凍、用嚟打邊爐香港人可能會唔太習慣～ 新鮮鵝腸用帶肥膏嘅上等貨色，輕輕滾一滾、入口甘香爽口、正！～ 手砌特選牛頸脊油花十足、要挑剔的話個人覺得缺小了肉味。～ 精選原味蛋餃台式傳統街坊風味、手功嘢、用嚟打邊爐味道無乜特別、香港人可能唔係好慣～ 蟶子皇非常新鮮及鮮