Video
Read full review
2021-08-01
326 views
因為落大雨費事去咁遠，所以去咗隔離屋村樓下呢間茶餐廳，原來係受氣嘅開始！首先張凳都幾污糟下，我都費事麻煩啲阿姐，自己用濕紙巾抹就算，然後想搵人收咗啲紙巾，舉極手都冇人應，唯有放住喺張凳背一角（我都好唔想有張咁污糟嘅紙巾喺我隔離食嘢，不過冇辦法）叫咗兩個早餐，其中一個加$3轉蕃茄湯底，諗住俾小朋友食，點知咸到阿媽都唔認得！自問都唔係唔食得濃味嘅人，但嗰種咸係咸到澀，諗住同侍應講，又係舉極手冇人應，到終於有個阿姐嚟，我話「呢個蕃茄湯好鹹喎，完全食唔到喎」，佢聽完竟然轉身準備走！（我估佢當我講完就算） 我要叫住佢，問佢咁而家點，佢都係冇反應，然後屋企人提議不如換過第二樣，個阿姐先不情不願咁問我想換乜嘢！好不容易一碗叫做正常嘅通粉嚟到，諗住開始食啦，點知有個女食客自己走咗入嚟坐喺隔離枱，出面等位嘅人就開始鬧佢，有個男食客話佢冇攞飛，叫佢出返嚟，個女食客就話頭先冇人等佢先入嚟，個男食客當然繼續鬧啦，人哋攞咗飛喺附近等緊，佢咁樣打尖，最搞笑係成個過程完全冇職員處理，由得食客喺度嘈，另外等位嘅兩夫婦都同個收銀講，佢哋應該要處理下，因為真係嘈咗好耐！我都出聲叫職員處理，因為真係嘈到嚇親小朋友（附近幾張
首先張凳都幾污糟下，我都費事麻煩啲阿姐，自己用濕紙巾抹就算，然後想搵人收咗啲紙巾，舉極手都冇人應，唯有放住喺張凳背一角（我都好唔想有張咁污糟嘅紙巾喺我隔離食嘢，不過冇辦法）
叫咗兩個早餐，其中一個加$3轉蕃茄湯底，諗住俾小朋友食，點知咸到阿媽都唔認得！自問都唔係唔食得濃味嘅人，但嗰種咸係咸到澀，諗住同侍應講，又係舉極手冇人應，到終於有個阿姐嚟，我話「呢個蕃茄湯好鹹喎，完全食唔到喎」，佢聽完竟然轉身準備走！（我估佢當我講完就算） 我要叫住佢，問佢咁而家點，佢都係冇反應，然後屋企人提議不如換過第二樣，個阿姐先不情不願咁問我想換乜嘢！
好不容易一碗叫做正常嘅通粉嚟到，諗住開始食啦，點知有個女食客自己走咗入嚟坐喺隔離枱，出面等位嘅人就開始鬧佢，有個男食客話佢冇攞飛，叫佢出返嚟，個女食客就話頭先冇人等佢先入嚟，個男食客當然繼續鬧啦，人哋攞咗飛喺附近等緊，佢咁樣打尖，最搞笑係成個過程完全冇職員處理，由得食客喺度嘈，另外等位嘅兩夫婦都同個收銀講，佢哋應該要處理下，因為真係嘈咗好耐！我都出聲叫職員處理，因為真係嘈到嚇親小朋友（附近幾張枱都有小朋友），然後啲職員真係借咗聾耳陳隻耳，最後個女人敗走。
好戲在後頭，我準備去埋單嘅時候，有個女士應竟然用極粗鄙嘅語氣叫我「唔該你執返嗰啲紙巾先好走，係你搞出嚟㗎嘛」，真係火都嚟！我都唔要求你俾咩服務我，你竟然叫我自己帶返啲紙巾走？
我即刻叫佢搵個負責人出嚟（平時有個疑似係負責人嘅男人，今日唔喺度），有個女仔就聲稱係負責人，係咁講唔好意思，我問佢使唔使自己執埋碗洗埋碗先走！跟住我再講返頭先叫天不應叫地不聞嘅狀況，佢九唔搭八話減返蕃茄湯嗰$3俾我，我係咪要多謝你！
嗰個叫我自己執嘢嘅女士應仲想拉我出去舖頭外面，指個投訴電話俾我，佢仲要勁大聲叫我投訴飽佢！真係把炮！
你咁「有禮貌」我當然都想送你一程！可惜個電話係冇人聽嘅！唔怪得佢啲員工可以咁惡！
想幫襯嘅祝你好運！
仲話呢度有投訴電話，叫我投訴飽佢
30 views
0 likes
0 comments
Post
