京都勝牛x TOKYO DOLCI

Open Now

Now Closed

行過見餐廳開揚闊落，有落地玻璃窗口位又無乜人就諗住慢慢嘆個lunch入到黎等埋朋友先一齊落單，等左十分鐘朋友先到，見面傾傾吓唔夠5分鐘，就已經有職員埋黎話：用餐時間只有90分鐘，現在已過15分鐘 。我望一望間餐廳，計埋自己個枱都係得4枱，佔餐廳1/8都無，有大半間餐廳都無人坐，心諗佢想催我落單就無出聲啦 。Lunch set $98-128 不等，我點了”熟成厚切豚勝滑蛋煮”（滑蛋豬扒飯）、朋友點了”西京比目魚” ，黎到大大份啲餸都幾多，魚有3舊，比出面黎講份量算多 。食物其實唔算太差 。只係食到差唔多食完，我同朋友太耐無見係到傾多幾句，個職員就問係米唔食要收嘢，我同朋友答佢仲食緊佢就行番開 。過多十分鐘個職員就行過黎話用餐時間已完，請出門口埋單 。真心嬲咗，出面無人排隊，成間餐廳得4枱有需要不停趕我哋走嗎？ 如果真係要咁講規矩原則，點解我入黎坐低前唔講清楚呢？ 一開始知我可以選擇食唔食，坐左成十分鐘先同我講用餐時間真係唔怪得啲人對香港嘅服務態度劣評 。呢間餐廳我會命為 態度很差的餐廳 。