Video
Read full review
2023-08-31
39 views
今日同朋友去左呢間係The One新開既高級意日fusion 菜，享受8道割烹料理。 「割烹」重點係用高級食材做出當季的菜式，用板前形式供餐，所以大部份既座位都係圍住廚房，欣賞廚師既廚藝。前菜擺盤已經好吸引，完全係一個藝術品！店員教我先食左明太子配多士同埋日本凍青瓜湯，個湯好清新creamy🥣赤海蝦配脆餅，鮮味十足。薄切牛肉卷裡面有芝士，咬落去仲有啲肉汁溢出黎👍🏻我哋仲叫咗兩杯白酒Grillo Sicilia "Luma"Entree餐廳出手大方，超厚切牛舌，而且充滿肉汁，上面配左炸洋蔥、青醬跟埋姬菇，食落更加香口有層次。Main主菜黎啦，我地點左烤白鱔配特調日式蕃茄醬，外皮烤到好香脆，鱔肉keep到juicy，同埋特製蕃茄醬酸酸甜甜，又夾得幾好。意式牛肚配布丁麵包，呢道係意大利既傳統菜式，將燉牛肚擺麵包入面，一咬落去好多汁，牛肚燉到好冧，處理得好出色。黑松露日本富富富南瓜意大利飯日本富山特有品種「富富富」，個名都幾得意，米粒透明度高，口感鬆軟甜度高著稱，用黎做risotto岩哂，南瓜味好濃郁creamy，再加上黑松露碎，好香好正。美國頂級安格斯牛柳牛柳煎得恰到好處的熟度，見到表面微微
「割烹」重點係用高級食材做出當季的菜式，用板前形式供餐，所以大部份既座位都係圍住廚房，欣賞廚師既廚藝。
前菜擺盤已經好吸引，完全係一個藝術品！
店員教我先食左明太子配多士同埋日本凍青瓜湯，個湯好清新creamy🥣
赤海蝦配脆餅，鮮味十足。
薄切牛肉卷裡面有芝士，咬落去仲有啲肉汁溢出黎👍🏻
我哋仲叫咗兩杯白酒Grillo Sicilia "Luma"
Entree
餐廳出手大方，超厚切牛舌，而且充滿肉汁，上面配左炸洋蔥、青醬跟埋姬菇，食落更加香口有層次。
Main
主菜黎啦，我地點左烤白鱔配特調日式蕃茄醬，外皮烤到好香脆，鱔肉keep到juicy，同埋特製蕃茄醬酸酸甜甜，又夾得幾好。
意式牛肚配布丁麵包，呢道係意大利既傳統菜式，將燉牛肚擺麵包入面，一咬落去好多汁，牛肚燉到好冧，處理得好出色。
黑松露日本富富富南瓜意大利飯
日本富山特有品種「富富富」，個名都幾得意，米粒透明度高，口感鬆軟甜度高著稱，用黎做risotto岩哂，南瓜味好濃郁creamy，再加上黑松露碎，好香好正。
美國頂級安格斯牛柳
牛柳煎得恰到好處的熟度，見到表面微微煎香，裏面仲係半粉紅色肉，咬落果然好軟嫩，汁水被牢牢鎖住，牛肉的油脂同香氣瞬間爆發出來。
Dessert
開心果Gelato，廚師特別係上枱個陣噴whisky係Gelato表面，甜味夾住淡淡既酒味，好想食多一球😋😋
甜品拼盤
呢個又係一個藝術品，焙茶忌廉配布丁麵包，焙茶非常濃味😍
另外仲有可麗露、自家製士多啤梨醬撻、朱古力布朗尼，每樣都細細件好精緻。
Post
