潮滙館 (Closed)

想打冷又怕坐大排檔熱辣辣？咁就要去潮滙館嘆下喇。如店名所講，舖頭主打賣潮州菜。如果朋友唔係fans，午餐都有中式飯(推介魚香茄子飯)同河粉麵揀，唔駛驚冇嘢啱食。滷水鵝肉飯🦆食潮州滷水嘢鵝肉當然冇走雞啦。潮滙館嘅鵝肉除咗鵝香滿滿，就連鵝皮都醃得好入味。墊底嘅豆腐不單止索哂醬汁，仲吸收咗鵝肉嘅油香，點埋蒜泥醋嚟食好醒胃，令人想添多碗飯。滷水雞蛋腩肉飯🐣🐷如果有朋友仔唔食得鵝肉，我推介試試滷水腩肉。腩肉肥瘦比例均勻，豬皮彈牙。一次過成片放入口，口感鬆軟又充滿豬油香。除咗一樣有索哂汁嘅豆腐加持，仲跟多隻滷蛋，送飯正到痺。