妹記大排檔 (Closed)

小弟真係好鍾意食小炒飲啤酒，感覺好放鬆，講乜都得。叫咗乳鴿、啫啫通菜煲、炸大腸、西蘭花鮮魷、椒鹽墨魚咀。乳鴿 - 皮脆，無乜肉，食得唔太過引。啫啫通菜煲 - 呢個幾惹味，推介。👍炸大腸 – 鬆脆乾身，好食。👍西蘭花鮮魷 – 魷魚新鮮好食。椒鹽墨魚咀 – 椒鹽惹味，墨魚咀炸得幾好，無乜油，送酒一流。👍總結：記得20年前已在金巴利街市開始幫襯，至今質素依然穩定，無退步。另外仲有叫咗4枝啤酒，四個人食飯，埋單$480，每人$120，又飲又食，相當經濟。