龍門一番 上海·紫砂燉湯 (Closed)

好耐無同屋企人食飯，近近地去左屯門時代廣場食，屋企人鍾意食中餐，就揀左龍門一番食小籠包。店員先送上茶葉，有四款選擇，我地揀左鐵觀音，個茶好香好好飲，沖左二十杯以上都仲好好味，好耐無試過飲咁多水啦。點了上海酸辣湯一人一客，一向好喜歡飲，但做得好味的店越來越少了。好足料，酸辣度調得剛剛好很啱口味，一人份量來說都好大碗喎。再來係四川擔擔麵，呢個又係至愛。湯底是濃濃的花生醬味，非常香濃。蔥花，鹹菜，肉碎等也下得不少，加上麵條有嚼勁掛湯，大大碗實屬好味又抵食。少不了香口野黎個炸銀絲卷，外脆內軟無得頂，點埋煉奶勁正呀。食上海野又點可以無上湯小籠包，避免爭食，點了一人一籠，呵呵呵。皮薄餡多，仲超多湯汁，勁好味勁好味勁好味呀！不過要小心夾，好易爆口，浪費左啲湯汁就唔好。完美嘅結局當然要有甜品，點了豆沙鍋餅配雪糕，擺盤咁靚啱晒打卡呀～紅豆餡很多，鍋餅好脆口，同以前食晒的口感不一樣，但脆脆地又幾得意，好食吖。雪糕係曲奇口味，甜甜地正呀。兩個叫得太多好飽啊，呢個價錢抵食。