Video
Read full review
2019-01-15
666 views
而家越來越多火鍋店，想打邊爐都唔知揀邊間好，我通常都會睇左食評先去，做足準備自然就唔會失望。冬天約朋友食飯好多時都係約打邊爐。我個人鍾意逐碟叫多過火鍋放題，首先係食材好多時都比較新鮮，特別係海鮮同肉類，其次係可以試下特別d既食物。呢間火鍋英雄比到我驚喜嘅係佢提供到好多款式的湯底及食物比食客揀，花多眼亂。湯底方面，我揀選了重慶麻辣拼芫茜皮蛋。食物方面則點了西班牙黑豚肉、蒙古羊肉片、鍋筍片、豬爽喉、中山脆鯇片、招牌芫茜豬肉丸、韮菜水餃、雜茶籃、酥炸響鈴及薯粉。飲品點了自家制洛神花茶。另外亦提供多種不同的火鍋醬汁頭盤送來了八款開胃小食，均係重慶小食，有辣有唔辣，總有一款啱食。首先講下個湯底，個鍋好大，就算揀鴛鴦湯底每邊湯底都好大鍋下，個麻辣湯真係超好味，亦夠晒地道，佢有牛油同清油揀，我揀左清油。辣度就揀左微辣。芫茜皮蛋亦好足料，淥菜淥粉就一流。韮菜餃每粒都漲卜卜，餃子餡調得好夠味，仲要係自己包，十分新鮮。豬爽喉十分脆口，每塊都大大片，食得夠過癮。蒙古羊肉片羊味迫人，羊肉片切得夠薄，肉質又嫩。西班牙黑豚肉片比坊間的豬肉片更甜更嫩，煮耐咗都唔會硬身。新鮮的鍋荀片晶瑩剔透，鍋荀片吸收湯汁令鮮甜度升
另外亦提供多種不同的火鍋醬汁
頭盤送來了八款開胃小食，均係重慶小食，有辣有唔辣，總有一款啱食。
首先講下個湯底，個鍋好大，就算揀鴛鴦湯底每邊湯底都好大鍋下，個麻辣湯真係超好味，亦夠晒地道，佢有牛油同清油揀，我揀左清油。辣度就揀左微辣。芫茜皮蛋亦好足料，淥菜淥粉就一流。
韮菜餃每粒都漲卜卜，餃子餡調得好夠味，仲要係自己包，十分新鮮。
豬爽喉十分脆口，每塊都大大片，食得夠過癮。
蒙古羊肉片羊味迫人，羊肉片切得夠薄，肉質又嫩。
西班牙黑豚肉片比坊間的豬肉片更甜更嫩，煮耐咗都唔會硬身。
新鮮的鍋荀片晶瑩剔透，鍋荀片吸收湯汁令鮮甜度升級。
芫茜豬肉丸啱曬d芫茜控，豬肉丸加埋芫茜超香，又有咬口，佢係自家手打，肉質嫩滑鮮甜。
脆鯇魚片無骨又夠鮮，薄薄一片好快熟。
酥炸響鈴超鬆脆，正呀！
雜菜籃份量挺多的，包含了不同種類的新鮮蔬菜和金菇。
見店裡食客都會點一jar洛神花茶，所以就試下，冰凍的花茶味道酸酸甜甜，似果汁，洛神花可調節血壓，改善睡眠，養生又好飲。
佢仲好貼心甘有條圍裙比食客，防止衣服比湯汁豉油彈到。
薯粉超有咬口！
火鍋英雄主打麻辣鍋，仲要係重慶辣，不過香港人唔太食得辣，所以佢又有好多其他湯底揀，有補身滋潤的，亦有大路的，總有一款啱食。服務好，價錢不貴，食物優質，非常值得推薦。
Post
