Video
Read full review
2019-03-10
287 views
今日男朋友大晒，同佢去左南豐紗廠行下就順勢喺荃灣搵佢喜歡食嘅漢堡包店。每次經過佢都話想食，因為俾佢店面裝修吸引左，而今次終於食啦。舖仔細細，而且都幾逼夾下，真係肥啲都入唔到嚟，但係佢嘅佈置真係好90年代，而且會一路播住英文歌，有種懷舊美國風，其實幾好feel。入面得三張枱，而檯檯櫈櫈都係好迷你，張檯仔放左兩個餐就岩岩好，想叫多個小食都冇位放。男朋友嗌左個季節限定嘅牛堡，再upgrade做餐，會有粗身薯條同飲品，而飲品再加錢可以upgarde做手工啤。佢個牛堡好juicy，個包包又夠鬆軟，好足料，薯條又熱辣辣外脆內軟，連我對漢堡興趣一般都覺得好食。而佢個手工啤更加冇得彈👍🏼麥味足但又唔會話苦到接受唔到。而我自己就為左食燒菠蘿而嗌左個豚肉堡，說真的有點失望，我以為係豬扒，但原來係薄切豬肉，所以有啲乾，但好彩菠蘿夠甜夠多汁，所以都唔會話搞到個包乾憎憎。我自己嗌左杯水果茶，但水果茶太淡，得個甜甜地，冇預期中嘅酸酸甜甜，所以都係一般，男朋友話肉茶記冇乜味嘅凍檸茶🤣然後職員態度好好，食完會送埋你出門口，幫你開門再提你帶齊嘢，我覺得好窩心，因為喺香港食飯好少會有職員幫你開門送你，重點係佢係小店，得兩
每次經過佢都話想食，因為俾佢店面裝修吸引左，而今次終於食啦。
舖仔細細，而且都幾逼夾下，真係肥啲都入唔到嚟，但係佢嘅佈置真係好90年代，而且會一路播住英文歌，有種懷舊美國風，其實幾好feel。
入面得三張枱，而檯檯櫈櫈都係好迷你，張檯仔放左兩個餐就岩岩好，想叫多個小食都冇位放。
男朋友嗌左個季節限定嘅牛堡，再upgrade做餐，會有粗身薯條同飲品，而飲品再加錢可以upgarde做手工啤。
佢個牛堡好juicy，個包包又夠鬆軟，好足料，薯條又熱辣辣外脆內軟，連我對漢堡興趣一般都覺得好食。而佢個手工啤更加冇得彈👍🏼麥味足但又唔會話苦到接受唔到。
而我自己就為左食燒菠蘿而嗌左個豚肉堡，說真的有點失望，我以為係豬扒，但原來係薄切豬肉，所以有啲乾，但好彩菠蘿夠甜夠多汁，所以都唔會話搞到個包乾憎憎。
我自己嗌左杯水果茶，但水果茶太淡，得個甜甜地，冇預期中嘅酸酸甜甜，所以都係一般，男朋友話肉茶記冇乜味嘅凍檸茶🤣
然後職員態度好好，食完會送埋你出門口，幫你開門再提你帶齊嘢，我覺得好窩心，因為喺香港食飯好少會有職員幫你開門送你，重點係佢係小店，得兩個職員做嘢，忙緊整餐同出餐仲要特登抽時間送客，呢樣係我覺得難得嘅人情味。
Post
