滿屋日本料理 (Closed)

今日約咗一個很耐冇見嘅朋友去食任食放題，揀咗滿屋貪佢夠晒多款多嘢食。一入到去首先留意吓自助吧先，自助吧有各款唔同嘅小食同埋前菜，仲有各款唔同嘅飲品，包括酒類飲品添，很不錯的。之後就畫放題紙了，淨係放題紙都有十幾張，差不多諗得出嘅日式料理都有，一於樣樣都叫啲啦。首先來到的係刺身拼盤，刺身全部新鮮厚切，款式又多，食得出係好嘢來的。之後就來了壽司同埋手卷，值得一提嘅係佢樣樣細細件，你可以試多啲食多啲，正！然後就叫咗串燒同埋料理，喺日式放題店之中屬於中上級數，不錯！值得一提嘅係佢嘅甜品同埋飲品都好有特色㗎！最後佢仲送俾每一個客人一杯雪糕仲要係兩隻知名牌子嘅雪糕嚟㗎，絕不欺場，讚好，令到滿足的一餐畫上完美的句號。