寶哥火鍋味館 (Closed)

香港人一年四季都鐘意打邊爐，湯底、海鮮、火鍋配料都特別著重，今日試下佐敦嘅寶哥火鍋味館，3個鐘火鍋放題有$188-288套餐，食物款色多到數唔哂例如本地及美國肥牛、白鱔脆肉鯇、汕頭牛丸八爪魚等，湯底有雪蓮果椰子湯、猴頭菇鯊魚骨湯都幾吸引，我睇天氣轉凍就揀銀杏胡椒豬肚湯，任飲汽水啤酒同竹蔗茅根。首先係套餐嘅限定拼盤、海鮮同靚牛盤、招牌三寶丸等，海鮮有生蠔、花甲、海蝦，安格斯牛小排肉味濃，龍躉腩皮好厚身超讚！任食選擇我會推介五香鮮牛肉、白鱔、脆肉鯇、香滑京都豆腐都想再嗌！Menu每款嗌一樣都好豐富，又可以每樣試吓，都覺得好抵食！餐廳除咗食物同環境，服務都係重要會令客人想再嚟，呢間餐廳嘅店員我特別欣賞，好好敬業樂業清楚各樣食材，聽佢哋推介實無錯！寶哥火鍋味館地址: 佐敦長樂街8號文興樓地下至2樓電話: 23320998