翡翠拉麵小籠包 (Closed)

純粹係為試而試，然後我的銀兩不值而飛，唉但人一世乜都要試下既！可能係上海食過地道既小籠包同生煎包既關係，我覺得呢間餐廳真係平平無其，小籠包都ok既，咁當然上海好食好多啦！但個生煎包真係搞唔掂喎，好乾跟著叫左個酸菜魚我真係好想知自己食緊啲乜嘢，好難食囉，啲魚好似橡筋咁酸菜都還好，真心覺得要食呢啲既，不如番大陸食算啦，平靚正，仲要好食好多囉（純粹從食角度出發）其實我仲叫左甜品既，之前因為要北上交流，有試過酒釀丸子呢樣野，咁見到menu有，緊係想回憶下當時既味道啦！點知呢間係好難食的，完全同我係大陸食果啲唔一樣，我仲好記得自己當時見到兜咁既野，係完全係唔想食，但啲人話試下啦試下啦，咪試囉，點知係咁好食！但呢間既味道係完全變曬。仲有個豆沙窩餅，味道都係好一般。