Video
Read full review
2023-12-13
647 views
🌟餐廳：如菓·愛📍地址：九龍城啟德協調道2號AIRSIDE 2樓L220號舖💰價位：～$50⏰營業時間：星期一至日 10:00 - 21:30📱電話：91668227今晚同朋友仔去AirSide食晚飯，食完想係附近搵返d飯後甜品，見到餐廳對面有呢間「如菓·愛 」，提供多款鮮榨果汁、甜品及時令水果，一於同朋友仔揀返幾款嘆吓先～———————————————————🔹金黃芒芒 - 如菓愛心脆果杯材料十足，份量澎湃！底層用上新鮮芒果肉打製嘅冰沙，酸酸甜甜夠晒清爽，中間更加入朱古力及粟米脆脆，再搭配濃香忌廉，層次感十足～重點係上層更加加入大大件芒果肉，果味濃郁，擺盤又精美，打卡一流～———————————————————🔹 摩羯座 - 12星座果汁呢款主打嘅12星座果汁，用上藍莓火龍果雪梨鮮榨而成，紫色嘅顏色奪目！火龍果對腸道健康、藍莓又明目、加入清甜既雪梨，成個組合既滋潤又健康，清清甜甜值得一試～———————————————————🔹自家製足料楊枝甘露真係夠晒足料！用上大量芒果及柚子肉搭配西米製作而成，材料十足口感比較濃稠，飲落酸酸甜甜，而且咬落粒粒芒果肉及柚子肉，超正！—————————
📍地址：九龍城啟德協調道2號AIRSIDE 2樓L220號舖
💰價位：～$50
⏰營業時間：星期一至日 10:00 - 21:30
📱電話：91668227
今晚同朋友仔去AirSide食晚飯，食完想係附近搵返d飯後甜品，見到餐廳對面有呢間「如菓·愛 」，提供多款鮮榨果汁、甜品及時令水果，一於同朋友仔揀返幾款嘆吓先～
———————————————————
🔹金黃芒芒 - 如菓愛心脆果杯
材料十足，份量澎湃！底層用上新鮮芒果肉打製嘅冰沙，酸酸甜甜夠晒清爽，中間更加入朱古力及粟米脆脆，再搭配濃香忌廉，層次感十足～重點係上層更加加入大大件芒果肉，果味濃郁，擺盤又精美，打卡一流～
———————————————————
🔹 摩羯座 - 12星座果汁
呢款主打嘅12星座果汁，用上藍莓火龍果雪梨鮮榨而成，紫色嘅顏色奪目！火龍果對腸道健康、藍莓又明目、加入清甜既雪梨，成個組合既滋潤又健康，清清甜甜值得一試～
———————————————————
🔹自家製足料楊枝甘露
真係夠晒足料！用上大量芒果及柚子肉搭配西米製作而成，材料十足口感比較濃稠，飲落酸酸甜甜，而且咬落粒粒芒果肉及柚子肉，超正！
———————————————————
🔹新鮮水果杯
選材新鮮時令水果，夠晒健康！有齊青提、芒果、哈密瓜、蜜瓜及西瓜，每一款都清甜又解渴，性價比十足，無論飯前或飯後，歎返杯一流！
———————————————————
🔹 1公升雪梨汁
超巨型大枝既一公升雪梨汁，啱晒同朋友仔及屋企人開心share！店員採用大量雪梨即場鮮榨，真材實料，入口啖啖雪梨果蓉，夠晒香甜，纖維感十足，啱晒買返支返去慢慢嘆！
———————————————————
😋味道：4.5/5
🏢環境：4/5
💁🏻♀️服務：4/5
💵價錢：4.5/5
🤟🏻性價比：4.5/5
———————————————————
👅整體小總結
餐廳主打最近大熱嘅12星座果汁，每款都用新鮮蔬果即場製作，每款蔬果配搭均有特別功效，有幫助消化，美顏保健等等功效，而且各款飲品及甜品都採用每日新鮮水果即製，不額外添加糖分，健康之餘，性價比又高，大推！
Post
