華園美食

Open Now

Now Closed

係黃埔食野有好多選擇，今日揀左一間平時行過見佢唔太起眼，但係有好多捧場客既華園美食。每次試一間新既茶餐廳都會試下佢既熱奶茶同埋炒飯，所以今次就揀左欖菜牛肉炒飯。熱奶茶合格，佢既溫度、茶味同奶既比例都唔錯。佢既炒飯俾到好大既驚喜我，本身係大排檔以外既地方食炒飯都預左唔會有好勁既鑊氣，呢間亦都唔例外，但炒飯既基本功做足💪上菜之後已經見到佢炒得幾乾身，白飯粒粒分明👍欖菜同牛肉既分量都唔少，味道好夾。落油亦唔會重手，食完之後唔會見到碟底有油。整體賣相同味道都非常好👍日後會繼續幫趁👍