Video
Read full review
2023-03-07
771 views
位於K11 Musea嘅 CURATOR Art & Cafe，全店以開放式，水吧、廚房一覽無遺，乾淨整潔；餐廳地方唔算好大，所以最好要預先卜枱。餐廳行年輕人路線，一入門口一個大大玻璃裝飾櫃，入邊放左好多得意公仔🧸，非常吸睛，亦成一個必定打卡位置😃；入邊長長一幅牆邊，放上好多精緻飾物、文具、擺設、精品等等，色彩非常豐富，除左可以當作裝飾櫃外，全部物品均可以購買，非常有踔頭👍🏻；餐廳牆上更掛上好多充滿藝術掛畫，與其他裝飾擺設互相呼應，充滿藝術色彩嘅一間主題餐廳👍🏻。Order 左兩個 Chef’s special (+$48可升級餐湯+飲品）🥣蘑菇湯 一個質感非常之濃郁嘅餐湯，菇味極之濃厚，我身為一個菇迷，真心讚賞👍🏻，湯面加上些小嘅橄欖油，令口感更加順滑。🍝 橄欖油炒墨魚汁意粉配帶子嘩，帶子份量同size真係唔講得笑，大大粒又厚身，上下煎至金黃，中間保持juicy鮮味，做得非常出色；意粉係我鍾意嘅口感，小小煙韌，保持口感，加上羅勒葉、紅椒和各種配料調味，味道層次分明。🥩安格斯高級肉眼牛扒 (10盎司)配烤薯牛扒切開保持粉嫩，入口有好香嘅燒烤味道，牛味出眾，尤其連接根部位置，油花帶領下更
餐廳行年輕人路線，一入門口一個大大玻璃裝飾櫃，入邊放左好多得意公仔🧸，非常吸睛，亦成一個必定打卡位置😃；入邊長長一幅牆邊，放上好多精緻飾物、文具、擺設、精品等等，色彩非常豐富，除左可以當作裝飾櫃外，全部物品均可以購買，非常有踔頭👍🏻；餐廳牆上更掛上好多充滿藝術掛畫，與其他裝飾擺設互相呼應，充滿藝術色彩嘅一間主題餐廳👍🏻。
Order 左兩個 Chef’s special (+$48可升級餐湯+飲品）
🥣蘑菇湯
一個質感非常之濃郁嘅餐湯，菇味極之濃厚，我身為一個菇迷，真心讚賞👍🏻，湯面加上些小嘅橄欖油，令口感更加順滑。
🍝 橄欖油炒墨魚汁意粉配帶子
嘩，帶子份量同size真係唔講得笑，大大粒又厚身，上下煎至金黃，中間保持juicy鮮味，做得非常出色；意粉係我鍾意嘅口感，小小煙韌，保持口感，加上羅勒葉、紅椒和各種配料調味，味道層次分明。
🥩安格斯高級肉眼牛扒 (10盎司)配烤薯
牛扒切開保持粉嫩，入口有好香嘅燒烤味道，牛味出眾，尤其連接根部位置，油花帶領下更加甘香，配菜嘅烤薯亦成亮點，粉嫩軟糯，薯味香甜；沙律菜之間夾左幾粒細細粒白色酸味味嘅酸菜橋頭，食落真係可以清去點油脂感，非常好嘅配菜。
甜品：pancake
Pancake口感好鬆、好軟，連同朱古力雪糕一併入口，冰火口感一併在口腔爆發😆，呢個都好推介👍🏻。
☕️mocha latte
Post
