Video
Read full review
2022-06-07
76 views
老友 “飛少” 日理萬機搵真銀, 忙到抽筋, 今個月開始放悠長假期, 終於可以約食飯. 其實我覺得佢上咗岸, 唔想撈, 真係令人羨慕.🥰 “飛少” 識飲識食, 上回推介 “火山排骨” 超級好食. 今日推介 Steak Bar, 十分期待. 餐廳主攻牛扒, 包括安格斯西冷, 石燒牛肉等, 而 “吉列牛扒” 係香港少見, 屬鎮店菜式. 上一次食 “吉列牛扒” 係喺吉列專門店 “京都勝牛”.🍽 餐廳設多張2-4人方枱. 餐牌設計簡單. 今日點咗 “吉列炸牛扒”, 同埋 “頂級板腱牛扒”, 配前菜, 沙律, 飯.🍀 沙律, 落咗屈機麻醬, 當然好食.🍙 白飯, 加咗類似芝麻嘅嘢, “飛少” 覺得好食, 我就鍾意普通白飯.🐂 吉列炸牛扒. 吉列效果普通, 但係牛肉夠腍, 每邊 “焫” 幾秒, 味道不俗, 值得推介! 餐廳冇提供日本芥辣, 唯有點醬油.🐂 頂級板腱牛扒. 外型靚仔, 五成熟, 可能太生, 少靭. 決定借 “吉列牛扒” 個煎板煎多兩三秒, 掂喎, 牛肉味出哂嚟. 下次考慮七成熟.🤗 總結: 以牛論牛, Steak Bar 嘅 “吉列牛扒” 可能冇 “京都勝牛” 咁正宗, 但牛肉質素同
🥰 “飛少” 識飲識食, 上回推介 “火山排骨” 超級好食. 今日推介 Steak Bar, 十分期待. 餐廳主攻牛扒, 包括安格斯西冷, 石燒牛肉等, 而 “吉列牛扒” 係香港少見, 屬鎮店菜式. 上一次食 “吉列牛扒” 係喺吉列專門店 “京都勝牛”.
🍽 餐廳設多張2-4人方枱. 餐牌設計簡單. 今日點咗 “吉列炸牛扒”, 同埋 “頂級板腱牛扒”, 配前菜, 沙律, 飯.
🍀 沙律, 落咗屈機麻醬, 當然好食.
🍙 白飯, 加咗類似芝麻嘅嘢, “飛少” 覺得好食, 我就鍾意普通白飯.
🐂 吉列炸牛扒. 吉列效果普通, 但係牛肉夠腍, 每邊 “焫” 幾秒, 味道不俗, 值得推介! 餐廳冇提供日本芥辣, 唯有點醬油.
吉列炸牛扒
11 views
0 likes
0 comments
🐂 頂級板腱牛扒. 外型靚仔, 五成熟, 可能太生, 少靭. 決定借 “吉列牛扒” 個煎板煎多兩三秒, 掂喎, 牛肉味出哂嚟. 下次考慮七成熟.
頂級板腱牛扒
10 views
0 likes
0 comments
🤗 總結: 以牛論牛, Steak Bar 嘅 “吉列牛扒” 可能冇 “京都勝牛” 咁正宗, 但牛肉質素同埋整體味道優勝. 餐廳環境唔算逼夾, 服務OK, 地點方便, 用餐氣氛不俗, 值得一試.
Post
