宜豐餐廳 (Closed)

上次情人節食左美而廉, 今次我地就去左宜豐la!去食野我地成日都好好彩唔駛等, 我地一坐低個門口就有ok多人排隊la!坐卡位, 都幾舒服, 唔似得美而廉甘迫! 我地叫左兩個鐵板餐, 一個雞扒+龍脷柳, 一個豬扒+蟹蓋等左一陣就有白湯同提子餐包la! 白湯唔錯, 唔會太稀, 不過就無咩料~ 餐包好食, 微暖, 亦做到外脆內軟! 平時食餐包我會食剩一半比男朋友幫我埋尾, 但呢個好食到我食哂一個飲完湯食完個餐包, 就等個鐵板la, 等左好耐先有呀, 相比其他同類型既餐廳黎講真係好慢! 其實我地都見到d侍應做到踼哂腳甘, 因為佢得兩三個侍應, 點菜送菜埋單同安排入座都做哂, 根本人手就好唔夠! 有個侍應仲兩三次都送錯湯, 我見到個客人黑面! 我同男朋友當然無咩所謂, 但有d唔等得既客人可能真係會發火ga, 我覺得呢方面餐廳要留意下, 係咪有需要加返d人手~ 但有值得讚既地方, 雖然佢地忙到飛起, 但服務態度係唔差, 有一個仲幾有禮貌添!講返野食, 雞扒有兩大塊, 唔鞋, 幾好食! 龍脷柳都唔錯, 起碼無個d我最怕既雪藏腥味~ 蟹蓋好多肉, 但無咩肉味~ 豬扒好鹹!比較起上黎, 響同一條街既美而