第三站

琴晚朋友約去呢間位上樓餐廳，果然有驚喜。我哋兩個人叫咗兩個晚餐，再加一個小食。1）黑松露蟹肉黑醋沙律一上枱都俾佢嗰舊黑松露蟹肉吸引住，份量都唔細，我最鍾意食黑松露，所以呢個係我真心推介2）西班牙海蝦辣肉腸燴飯 真材實料有四五隻蝦，辣肉腸好味，茄汁味香濃，的確驚喜，top up 加咗一個沙律同一件芝士蛋糕，性價比好高。3）蜜糖雞翼 6只脆卜卜嘅雞翼加上同嘅蜜糖香味冇得輸跟餐叫咗一杯叫「力量」另一杯叫「命運之輪」，主要係果汁梳打為主，幾得意幾好飲．個名都好有趣。總括嚟講呢間餐廳有好多卡位，三五知己想搵地方食餐飯靜靜地傾吓偈都可以考慮。