Video
Read full review
2013-10-24
480 views
講咗咁耐, 呢日終於都同男友仔黎呢度一試!!!其實選擇唔算多, 只係有幾間, 男友仔轉咗 2 個圈之後就已經有決定, 哈哈~佢揀咗呢間『無雙』!!Order 咗一碗: Moso Special Ramen, 再加錢要咗個 Gyoza 煎餃子~跟住搵個位坐低, 就一邊傾計, 一邊等個 order key 著燈震震…“de~~ de~~ de~~” 燈仔一閃一閃, 可以去拎野食啦!!每間舖頭既旁邊, 仲有少量其他調味料自取, 比如: 蒜蓉、辣粉、魚粉…等等~充滿期待咁望實男友仔去拎拉麵, 哇!! 好似好大份咁… 碗面都係一堆芽菜, 份量適中!!旁邊圍住 3 片叉燒, 同埋一隻切開咗既流心蛋… 反而. 旁邊果碟餃子貌似更吸引, 哈~先試一口湯底, 嗯… 所謂既豬骨+雞骨湯底, 味道唔算濃郁, 清清地偏淡~麵條, 係一般拉麵質, 煮得唔過淋有咬口, 掛湯能力就差咗少少…叉燒, 肥瘦尚可, 偏瘦所以無咩油脂感, 還好肉質尚算鬆化, 普通啦!!流心蛋, 又係………失望!!!!! 微弱既蛋香味還可以, 可惜根本蛋心已經近乎全熟狀態, 何來流心!? 所以…扣分!!!餃子, 反而真係比拉麵吸引, 煎得一
其實選擇唔算多, 只係有幾間, 男友仔轉咗 2 個圈之後就已經有決定, 哈哈~
佢揀咗呢間『無雙』!!
Order 咗一碗: Moso Special Ramen, 再加錢要咗個 Gyoza 煎餃子~
跟住搵個位坐低, 就一邊傾計, 一邊等個 order key 著燈震震…
“de~~ de~~ de~~” 燈仔一閃一閃, 可以去拎野食啦!!
每間舖頭既旁邊, 仲有少量其他調味料自取, 比如: 蒜蓉、辣粉、魚粉…等等~
充滿期待咁望實男友仔去拎拉麵, 哇!! 好似好大份咁… 碗面都係一堆芽菜, 份量適中!!
旁邊圍住 3 片叉燒, 同埋一隻切開咗既流心蛋… 反而. 旁邊果碟餃子貌似更吸引, 哈~
先試一口湯底, 嗯… 所謂既豬骨+雞骨湯底, 味道唔算濃郁, 清清地偏淡~麵條, 係一般拉麵質, 煮得唔過淋有咬口, 掛湯能力就差咗少少…
叉燒, 肥瘦尚可, 偏瘦所以無咩油脂感, 還好肉質尚算鬆化, 普通啦!!
流心蛋, 又係………失望!!!!! 微弱既蛋香味還可以, 可惜根本蛋心已經近乎全熟狀態, 何來流心!? 所以…扣分!!!
餃子, 反而真係比拉麵吸引, 煎得一身金黃, 外表已經有優勢!
咬一啖, 外脆內軟, 肉質鬆化, 而且仲有肉汁, 再點埋醬汁, 好味!!!
估唔到, 餃子會比拉麵優勝!!!!
個 set 分量唔少, 食完又係超級飽肚, 可惜…食味同質數只屬一般~
所以總結係, 我同男友仔都覺得, 同果個『男人』一樣, 不值回頭!!!
Post
