人和月雞煲火鍋店 (Closed)

同事介紹位於尖沙咀新店「日和月雞煲火鍋店」大家收工齊齊去食好西，餐廳以綠色為主調，簡潔舒適。都幾多人去食，當日係星期一都全場爆滿。我和朋友揀選左「特選滿足吃到飽」套餐，＄298可享用120分鐘火鍋放題，包括頭盤+火鍋+自家飲品+甜品。頭盤可三選一，選擇自家韓式芝士雞，招牌麻辣雞煲和老壇酸菜魚。平時成日食雞煲，所以不如今次試下酸菜魚，魚塊非常嫩滑無骨，忍唔住一片又一片。辣度可自選，二個都唔食得辣，所以叫咗BB辣味，但仍然有麻辣嘅感覺，食到嘴邊熱紅紅，不過好惹味。有辣都唔怕，因為有大量飲品仼品，立刻嘆番杯桂花烏龍茶冷泡茶，冷卻麻辣又可以開始食火鍋。仲有幾款自家制飲品。食完頭盤可以開始打邊爐了，揀咗胡椒豬肚湯，裏面有滿滿嘅芹菜同埋豬肚，好補，飲一啖立即暖熱全身。侍應先送上一大盤排列整齊的靚牛，上面會寫清楚係邊款，中意既食完可以再添加。牛下肩，牛板腱，金錢展，牛胸爽和雪花牛肉。啲牛肉好新鮮，鮮紅色的，色澤鮮明，紋理細緻，入口即溶，肉質幼嫩。嫩滑鯇魚片都係新鮮又幼滑,應該係酸菜魚入面既魚片，所以又叫左碟打邊爐。手打蟹籽蝦滑和家鄉墨魚滑爽脆口感好食過一粒粒既魚丸。仲有川粉，烏冬仼你食，食返碗立即滿