珠江酒家

Open Now

Now Closed

開心星期五同同事聚下舊，最鍾意麻甩飲下啤酒食小菜。同事介紹下去試呢間老字號懷舊風味既酒家。因為係星期五，所以我地預早訂定檯。一行7人叫左8個餸7點半去到已經全場爆滿。雖然已經到左三月，但我地依然叫左枝竹羊腩煲。另外仲有豬雜蝴蝶腩煲，四季豆鹹肉，蠔爽，炸鮮鱿，炸鮮淮山，炸芋頭扣肉，菇生菜，同埋大量啤酒。羊腩煲份量好足，同埋整得好入味同唔會太騷，就算唔用腐乳醬點黎食都已經夠味。最期待係炸芋頭扣肉，唔係度度地方都有既懷舊菜，半肥瘦腩再加兩片芋頭夾住炸，咬落去唔會令你成口油同肥膩既感覺。埋單只係每人2百零蚊，個人覺得份量同味道係值得既。唯獨係坐上層樓底較矮，全場既人一齊講野時，好似係酒樓咁好嘈。