Video
Read full review
2023-10-09
401 views
講起土瓜灣嘅中菜 應該冇乜人聽過呢間本身今晚諗住試另一間好出名嘅同區中菜，可惜太多人食唔到於是就行吓附近睇吓有咩食見到呢間嘢都係食小菜所以就行咗入去估唔到十分有驚喜呢個椒鹽鮮魷一上台已經俾個份量嚇親😍，印象中好似唔使$100，已經包咗嘢飲同埋一個白飯，一入口勁香炸蒜頭嘅味道，炸鮮魷嘅粉漿唔會太厚，魷魚炸嘅時間亦都啱啱好，唔會太韌，不過就略嫌唔夠多魷魚鬚，記得問店員攞喼汁☺️呢個黑椒薯仔牛柳粒同普遍喺街度食嘅有啲唔同，雖然材料都係平時識到嗰啲，但係個薯仔嘅整法就有少少唔一樣，感覺上冇咁炸比較天然，望落去以為唔夠林，不過咬入口個薯仔好棉好好食👍🏻，而牛柳粒份量亦都夠晒多，食落去一啲都唔韌，好好送飯！雖然菜名叫做欖菜炒四季豆，但係食落就唔覺得有乜欖菜味，四季豆嘅味道同出面其他舖頭食嘅差唔多，不過整體感覺就冇平時嗰啲咁油膩，而且份量亦都好足夠，啱晒大食嘅人！整體來講嘢食嘅味道幾好，不過略嫌食物嘅款式唔夠多，同埋樓面地下有少少污糟，不過以茶仔來講，已經算係好好食同埋性價比好高，比起次次都排唔到隊嘅人氣店，我情願下次再嚟呢啲小店好過
本身今晚諗住試另一間好出名嘅同區中菜，可惜太多人食唔到
於是就行吓附近睇吓有咩食
見到呢間嘢都係食小菜所以就行咗入去
估唔到十分有驚喜
椒鹽鮮魷
28 views
0 likes
0 comments
呢個椒鹽鮮魷一上台已經俾個份量嚇親😍，印象中好似唔使$100，已經包咗嘢飲同埋一個白飯，一入口勁香炸蒜頭嘅味道，炸鮮魷嘅粉漿唔會太厚，魷魚炸嘅時間亦都啱啱好，唔會太韌，不過就略嫌唔夠多魷魚鬚，記得問店員攞喼汁☺️
黑椒薯仔牛柳粒
40 views
0 likes
0 comments
呢個黑椒薯仔牛柳粒同普遍喺街度食嘅有啲唔同，雖然材料都係平時識到嗰啲，但係個薯仔嘅整法就有少少唔一樣，感覺上冇咁炸比較天然，望落去以為唔夠林，不過咬入口個薯仔好棉好好食👍🏻，而牛柳粒份量亦都夠晒多，食落去一啲都唔韌，好好送飯！
欖菜炒四季豆
16 views
0 likes
0 comments
雖然菜名叫做欖菜炒四季豆，但係食落就唔覺得有乜欖菜味，四季豆嘅味道同出面其他舖頭食嘅差唔多，不過整體感覺就冇平時嗰啲咁油膩，而且份量亦都好足夠，啱晒大食嘅人！
整體來講嘢食嘅味道幾好，不過略嫌食物嘅款式唔夠多，同埋樓面地下有少少污糟，不過以茶仔來講，已經算係好好食同埋性價比好高，比起次次都排唔到隊嘅人氣店，我情願下次再嚟呢啲小店好過
Post
