新竹園軒

Open Now

Now Closed

約咗喺附近返工嘅舊同事喺呢度飲茶，呢度環境闊落，可以容納唔少顧客。我哋兩個人一共叫咗4款點心，始終人少食唔到咁多嘢。即叫即蒸嘅蟹籽燒賣皇梗係酒樓嘅必點之選，入面用咗蟹籽，好香，一咬落去漲卜卜好飽滿，肉質彈牙，無得彈💯 蜜汁叉燒腸粉，佢一上枱就香噴噴，仲要啲叉燒多到凸晒出嚟，足料到咁真係良心之作。腸粉皮夠滑夠薄，叉燒每一啖都會食到。仲有山竹牛肉球：鮮嫩多汁嘅牛肉混入馬蹄增加口感，肥豬肉份量適中唔會過分肥膩，口感滑溜無渣，又多腐竹👍 我最愛嘅蛋撻仔，熱辣辣新鮮出爐，外形好靚仔，蛋漿飽滿，味道唔會太甜，蛋軟呼呼d，酥皮鬆而唔油，食完唔會油淋淋！地方乾淨，點心都好精緻，價錢又合理。點心姐姐仲好細心，見我哋有咩需要，即刻反應，服務值得一讚。唔好成日話香港無好嘅服務員工喎。✅評分：味道 ： ⭐️⭐️⭐️⭐️⭐️【5】環境：⭐️⭐️⭐️⭐️⭐️【5】服務：⭐️⭐️⭐️⭐️⭐️【5】衛生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整體評分：😋【笑】