牡丹亭

Open Now

Now Closed

今日同屋企人去咗位於大圍顯徑商場嘅牡丹亭，餐廳喺冬菇亭入面，主打傳統中菜，相當有懷舊氣息。近呢幾年都好少去室外呢類型嘅冬菇亭，今次真係要好好感受吓。我哋點咗咕嚕肉：金黄酥脆的外層包裹着嫩滑多汁嘅豬肉，醬汁酸酸甜甜，balance咗豬肉嘅油膩感。每一啖都好有層次感，香脆得來又多汁有咬口，相當好味。另外叫咗個金銀蛋莧菜：碧綠嘅莧菜，同埋鹹蛋皮蛋兩款一齊，蛋香濃郁，咸鮮適宜，莧菜爽口，整體營養與美味並存，展現家常菜嘅溫馨魅力！最尾甜品紅豆沙都相當唔錯，質感細膩柔滑，紅豆慢火熬煮至軟糯，味道清新香甜，入口即化。