Bread, Espresso & (Closed)

朋友話試下呢間新開嘅日式麵包店，終於搵日放假試到呢間鋪頭嘅飲品同特式麵包+多士。之前朋友forward 一篇生果日報關於呢間鋪頭嘅介紹，睇完之後，我對於嗰杯紫薯沙冰真係一見傾心，一心嚟到要會一會呢杯飲品。果然冇令我失望呀，濃濃紫薯味，甜度適中，我諗有「紫薯控」嘅朋友一定同我一樣超鍾意呢杯飲品！飲品方面，我其實都幾想試下另一杯蝶豆花玫瑰檸檬茶架，見到隔離枱有人點咗呢杯飲品，個樣好靚好夢幻咁，不過見自己已經飲緊紫薯沙冰，個飲嘢嘅quota已經用咗，咁就俾咗個機會我下次返嚟飲埋呢杯花茶啦。麵包方面，有十幾款麵包可供選擇，啲麵包口味都真係幾新穎同特別的，搞到樣樣都想試。最後我點咗個薄荷忌廉芝士包，加個每日限定三十件嗰個招牌法式吐司同埋無花果藍芝士包。薄荷忌廉芝士包都幾好食，但印象就冇其他嗰兩款咁深刻。我覺得佢個法式吐司同無花果藍芝士包真係好正。個吐司新鮮滾熱辣出爐食，個吐司邊邊脆脆的，中間個心就軟綿綿的，配埋佢嗰隻好特別嘅蜜糖（問咗店員，原來係意大利槐花蜂蜜），同平時喺香港食嘅西多士好唔同，成件事唔同晒，冇得輸！我個人覺得都值得排架，終於明白點解咁多人排隊嚟試喇😂！仲有嗰個無花果藍芝士包，無花