街坊美食無骨海南雞專門店

Open Now

Now Closed

難得偷得浮生半日閒，於是落街食個tea。行過天一商場見到有呢間《去骨海南鷄專門店》，一於入去試試。正值下午茶時間，咁我揀咗呢個海南雞飯(HK$42)，嘩!套餐嚟咗一睇，份量都唔細，尤其係碗油飯，真係超大碗。隨套餐奉上嘅老火例湯，有紅蘿蔔加粟米，清清甜甜，味道唔錯。到主角登場嘞!啲海南雞皮薄肉滑，雞味足，配埋三色醬油，都食得幾滋味。另外嗰啲酸菜、青瓜，酸酸甜甜，好好送飯。估唔到街坊街里嘅小館，做出嚟嘅海南雞都有番咁上下水準，而且下午茶套餐價只賣HK$42，經濟實惠，認真抵食。