Video
Read full review
2018-11-13
4704 views
為咗滿足佢想食得多，食得平，食得正每逢大時大節食自助餐就係最好嘅選擇今次我哋就揀咗紅磡都會海逸酒店嘅西餐廳以前結婚都係呢間酒店度搞都見到佢餐廳好多人幫襯再加上網上食評都幾好所以決定訂位試下佢本身嘅自助餐 星期一至五 就係成人$32811月尾之前仲有折扣優惠我上次去係星期一所以有75折不過你要兩日前上網畀咗按金再print埋張coupon出嚟先至有75折優惠記得訂位嘅時候要講明你有呢張coupon折實咗之後真係好抵食種類嚟講其實都有好多選擇熱盤冷盤都有好多可能平日嘅關係所以唔算人流太多攞嘢食嘅時候都唔會有搶食嘅情況不過佢冷盆嘅海鮮種類就算少連翡翠螺都冇但係大蝦同埋青口都好新鮮好爽口彈牙生蠔係即叫即開一路排隊每人限攞兩隻仲有專人幫你用水沖走蠔殼碎食得好衛生乾淨每次有兩款唔同嘅生蠔有淡味啲同濃味啲嘅畀你食都算大隻仲有好多唔同款式嘅壽司揀佢嘅甜蛋都做得幾好食呀反而刺身我就覺得麻麻種類唔多同埋食落去覺得唔夠凍冷盤方面鳳爪做得幾好食仲有我最鍾意食嘅橄欖芝士都有好多唔同種類比我配包今次熱盤方面我就唔係食咗好多阿大爺竟然仲去食叉燒同切雞真係唔明白點解食自助餐會去揀呢啲平時成日食嘅燒味食甜品方面呢都唔錯
每逢大時大節食自助餐就係最好嘅選擇
今次我哋就揀咗紅磡都會海逸酒店嘅西餐廳
以前結婚都係呢間酒店度搞
都見到佢餐廳好多人幫襯
再加上網上食評都幾好
所以決定訂位試下
佢本身嘅自助餐 星期一至五 就係成人$328
11月尾之前仲有折扣優惠
我上次去係星期一所以有75折
不過你要兩日前上網畀咗按金
再print埋張coupon出嚟先至有75折優惠
記得訂位嘅時候要講明你有呢張coupon
折實咗之後真係好抵食
種類嚟講其實都有好多選擇
熱盤冷盤都有好多
可能平日嘅關係所以唔算人流太多
攞嘢食嘅時候都唔會有搶食嘅情況
不過佢冷盆嘅海鮮種類就算少
連翡翠螺都冇
但係大蝦同埋青口都好新鮮好爽口彈牙
生蠔係即叫即開
一路排隊每人限攞兩隻
仲有專人幫你用水沖走蠔殼碎
食得好衛生乾淨
每次有兩款唔同嘅生蠔
有淡味啲同濃味啲嘅畀你食
都算大隻
仲有好多唔同款式嘅壽司揀
佢嘅甜蛋都做得幾好食呀
反而刺身我就覺得麻麻
種類唔多同埋食落去覺得唔夠凍
冷盤方面鳳爪做得幾好食
仲有我最鍾意食嘅橄欖
芝士都有好多唔同種類比我配包
今次熱盤方面我就唔係食咗好多
阿大爺竟然仲去食叉燒同切雞
真係唔明白點解食自助餐會去揀呢啲平時成日食嘅燒味食
甜品方面呢都唔錯㗎今期做緊榴槤主題
呢兩款榴槤甜品都好夠榴槤味
而家睇返張相都好想再食
仲有好多迷你甜品
一啖一款食多都唔會覺得好肥膩
但我唔明佢啲生果點解知道咁大舊
食自助餐又唔少得雪糕雪條喇
非常正係有haagen-dazs雪條食呀
仲任你食添
平時出面都一支賣二，三十蚊架
總括嚟講如果以正價嚟食嘅話都叫做不過不失
如果你係有優惠價去食嘅話呢就真係好抵食啦
所以記住訂位之前睇下佢有冇做緊優惠折扣
Post
