Video
Read full review
2014-03-25
3715 views
有日lunch行過敬運工業大廈，見到後門大門貼上一大張Poster，我咪走埋去望吓係咩來啦，原來係一張大Menu，當時只有諗，係呢頭２樓開西日餐廳又唔係平？邊個幫襯呀？結果大半年後，終於到我有機會去試下，我地幾個同事就揀呢間餐廳同２大人物食生日飯。當日我地極之準時到達，踏入店前才知原來呢到咁大，環境的確唔錯，裝潢簡約得來有格調，餐檯餐椅都以木為材料，牆上有黑板都用粉筆把餐單寫在上面，中間放滿圓枱位，近窗位置係長高枱，最埋邊近牆位有幾張大長枱梳化位與長木櫈，樓底算高，雖然人多，但一點都唔覺嘈，唔錯！呢到係有加一嘅，即管看看服務如何，廚房係開放式的，我係幾鍾意開放式廚房可以睇到裡面情況，樓面就只有一個服務員帶位，另外見所有傳菜員都係猛男，仲幾玩得傾得吓，還會簡點介紹食物，態度都幾好！呢餐我地５人各揀選想食的大家Share，慢慢睇揀完野食１５分鐘後先有得食，話本好食其實都唔算，不過食物與價錢都算成正比，雖然有Ｄ有感失望，但服務好已經加分，當然我地係食得幾開心嘅，且看看下次幾時再有機會再來咯！以下是我地揀選的：﹣① 馬基雅杜加倍特濃咖啡 ($32)② 青提子, 菠蘿, 荷蘭芹汁 ($26)③
結果大半年後，終於到我有機會去試下，我地幾個同事就揀呢間餐廳同２大人物食生日飯。
當日我地極之準時到達，踏入店前才知原來呢到咁大，環境的確唔錯，裝潢簡約得來有格調，餐檯餐椅都以木為材料，牆上有黑板都用粉筆把餐單寫在上面，中間放滿圓枱位，近窗位置係長高枱，最埋邊近牆位有幾張大長枱梳化位與長木櫈，樓底算高，雖然人多，但一點都唔覺嘈，唔錯！
呢到係有加一嘅，即管看看服務如何，廚房係開放式的，我係幾鍾意開放式廚房可以睇到裡面情況，樓面就只有一個服務員帶位，另外見所有傳菜員都係猛男，仲幾玩得傾得吓，還會簡點介紹食物，態度都幾好！
呢餐我地５人各揀選想食的大家Share，慢慢睇揀完野食１５分鐘後先有得食，話本好食其實都唔算，不過食物與價錢都算成正比，雖然有Ｄ有感失望，但服務好已經加分，當然我地係食得幾開心嘅，且看看下次幾時再有機會再來咯！
以下是我地揀選的：﹣
① 馬基雅杜加倍特濃咖啡 ($32)
② 青提子, 菠蘿, 荷蘭芹汁 ($26)
③ 鮮奶咖啡 ($38)
④ 焗日式豬扒烏冬 ($58)
⑤ 日式海膽炒飯 ($62)
⑥ 招牌拉麵 ($68)
⑦ 日式蕃茄沙律 ($48)
⑧ 吞拿魚壽司 ($30)
⑨ 油甘魚壽司 ($38)
⑩ 三文魚壽司 ($24)
⑪ 劍魚壽司 ($32)
⑫ 甜蝦壽司 ($48)
合計：$475
10% Service Charge Total = $529
我的＜馬基雅杜加倍特濃咖啡＞率先來到，細細杯，頂層有厚厚嘅cream同少少朱古力粉，咖啡極之香濃，好飲！！
跟住到阿頭的＜青提子, 菠蘿, 荷蘭芹汁＞，清綠色感覺好葉綠素，都幾清新，味道清甜，咁幾款溝埋一齊就分唔出係點喇，香芹味就比較出。
附送＜蔬菜湯＞比我地全枱喎，似羅宋湯溝忌廉湯，都幾濃郁好味喎。
以鐵板上枱嘅＜焗日式豬扒烏冬＞熱辣辣，一層厚厚的茄汁，烏冬一般，豬扒唔韌都幾Juice，都算唔錯。
＜日式海膽炒飯＞同樣以鐵板上枱，裡面有蝦、八爪魚粒同蟹柳，面層有紫菜條，都見到海膽嘅，係少咗Ｄ，炒飯偏濕，味道都還可以。
白雪雪湯底嘅＜招牌拉麵＞來到，豬骨湯底幾濃，材料有幾片見叉燒、菇、半隻蛋、荷蘭豆及荀，拉麵算彈牙唔淋，呢個唔錯。
到我嘅＜日式蕃茄沙律＞，一眼望落去時係有Ｄ失望嘅，賣相唔多靚仔，只得幾舊蕃茄，雖然其他蔬菜係新鮮爽脆嘅，但份量都覺偏少。
最後到幾款＜壽司＞一次過上枱，壽司飯都幾好，粘度適中，各類魚生都好新鮮又鮮甜，冇失望。
Post
