Ssoja Toast & Hotdog (逸東酒店) (Closed)

之前去過韓國我諗好多人都試過佢哋嗰個issac toast ,佢入面嘅醬汁非常之特別加埋啲生菜同埋餡料係勁好食嘅。今次依間主打都係買韓式三文治，我哋就叫咗一個三文治一個熱狗同埋一個韓式炸雞試吓由於我唔識火腿同埋培根，所以今次我哋就叫咗個韓式奄列加薯餅，製作需時，如果心急趕時間嘅朋友要留意，因為佢係即叫即整一嚟到熱辣辣，好多料，雖然賣相同issac toast 有點分別，不過一咬落去，個麵包烘得剛好，個奄列有咬口，有啲粟米係入面，再加埋嗰個薯餅同埋最緊要嘅靈魂醬汁，勁好食估唔到香港都食到類似韓國風格嘅多士，如果醬汁再多多少少就完美了另外我哋叫咗個燒烤醬熱狗，同樣地醬汁同麵包好夾，個腸趣卜卜，烤得剛剛好，BBQ醬汁唔會過辣，幾好食最後叫咗個原味炸雞，個雞好明顯就係用豉油醬汁醃嘅，不過個人認為酸甜度同韓國嗰個有啲分別，年糕都幾有咬口不過個人認為最好食都係嗰個多士，下次嚟我可能會再試吓其他味道！