榮式燒雞扒 (Moved) New Location

嗰日同老婆去食榮式燒雞扒,入到去成陣油煙味,冇問題,最緊要好食,先嚟個蓮藕餅,嘩!咁快,唔洗2分鐘就到,仲快過杯凍奶茶,但睇嚟都好似炸到正咁喎,咬啖先,嘩!好暖呀,乜即叫即整啲嘢都咁暖,冇辨法,為有炸佢形,叫佢哋炸過,再過多4分鐘,個雞扒撈檬嚟嘞,我先試吓塊雞扒,呢個時侯我終於知道原來佢哋話嗰啲所謂即叫即整,原來係啲凍奶茶,塊雞扒又係好暖呀,塊皮又唔脆,好啦,今餐唯有同老婆唔當係晚餐,只為充饑算嘞,我想問個侍應碟蓮藕餅幾時會嚟,但係佢用佢個手提同佢啲friend講緊電話,睇我唔倒,算啦,等佢吹完水先叫佢拉,呀蓮藕餅嚟嘞,但佢都仲吹住水嚟比碟嘢我,佢都算係咁囉,仲識招呼人,番炸蓮藕餅果然夠熱香脆又好食.其實我覺得老細親自睇住啲伙記做嘢,我估間鋪會做得好啲,其實我仲想下次再嚟榮式燒雞扒食嘢,但係老細你咁多分店,幾時會喺邊間出現,可以話聲我聽,等我去嗰間分店啦,如果唔係去到嗰時,我又係充饑.