茶狼 (Closed)

好多朋友都話茶狼好好飲，如果喜茶排第一茶狼就係排第二，今日去開中環大館睇聖誕樹，剛好口渴嚟到茶狼睇吓有咩想買黎試下先！茶狼人氣都幾多下，鋪頭外有唔少人排隊等攞野飲，除咗手沖飲品仲有蛋糕賣！呢張蜜瓜奶蓋茶的廣告牌影得好吸引望見都覺得會幾甜幾解渴！而材料係來自日本九州嘅蜜瓜果肉，切粒後再加上花茶攪拌成果汁。加多兩蚊有埋奶蓋，當然要埋奶蓋啦等左六7分鐘就有得飲啦！味道同想像中一樣清爽，甜甜嘅蜜瓜汁味散發着獨特嘅茶香，果然係好飲！得個45蚊嘅價錢係有啲貴！