嘉寶漢堡 (嘉寶大廈)

Open Now

Now Closed

今日夜晚經過光輝圍，一直都知道嘉寶漢堡好出名，就順便試吓係咪真係咁好食！叫咗兩個漢堡包同一塊薯餅，準備點餐嘅時候發現原來漢堡包可以轉做菜包。我覺得可以食得健康啲，又低卡路里啲，所以就試吓！總共叫咗兩個分別係impossible素肉芝士漢堡(轉菜包)同脆薯牛堡。晚飯時間就太多人等咗20 分鐘左右終於可以拎了！返到去一打開覺得轉咗菜包嘅漢堡包造型都幾特別🤣上下都包住好幾塊生菜，一啖咬落去生菜中和咗漢堡扒嘅油膩感，感覺輕盈好多！呢個漢堡扒係素肉但無論質感定味道真係做到好似真嘅漢堡扒咁，好好食！脆薯牛堡都好食，即使有塊炸薯餅喺度都唔會覺得好油膩，味道啱啱好，漢堡扒都好Juicy。薯餅就冇乜特別，同平時食開快餐店薯餅差唔多。