真滋味美食

Open Now

Now Closed

星期二放學，見冇雨有陽光，專程去買番個人人都話好食嘅炸雞脾同墨魚咀試下。去到鋪頭士頭婆好快手又好細心就包好2隻雞脾2隻蟹鉗1串墨魚咀。番到屋企，都隔左成粒鐘，即刻先食墨魚咀，爽口彈牙，再加埋淮鹽，簡直係無得輸。炸雞脾有強勁BBQ醬味，皮乾爽脆口，肉嫩多汁完全冇雪味，而且巨形大隻，$35都抵。醬油雞脾有香濃花椒八角味，不會只是死咸，又冇雪味，沒有肥油肥膏，全是鮮嫩多汁的雞肉，正! 蟹鉗是一般貨色，沒有蟹鮮味，但蟹鉗咬落都爽口，個皮都香脆，最抵讚是沒有陳年萬年油味，顏色也呈淡金黃，好似健康好多。