三星台菜食堂 (新城市廣場一期) (Closed)

一直都好想試吓名人傅珮嘉嘅台灣菜館，知道沙田開咗一間分店，今晚終於有機會去試吓。餐廳位於商場入面，揸車人士更可以方便泊車，而且飯堂門口開陽，喺商場嘅一個轉彎位入面。飯堂裝修簡約整潔，主要以木為主，感覺休閒清新。餐牌食物圖片圖文並茂，款式都幾多。食台灣菜當然要叫返一啲台式飲品爽一爽喉嚨，我就叫了健康嘅水果茶，朋友就叫了一杯凍嘅台式奶茶☕️。水果茶帶點茶味嘅苦澀，味道好清新，入面仲有好多一粒粒嘅果實同埋水果片，果然足料。見到珍寶紅燒三星麵咁有份量，就即管試吓。一碗$82，入面有牛筋、牛展同埋牛肚，一次過滿足我哋三個願望，而且呢一碗麵係鎮店之寶，湯底以大量牛骨、洋蔥、丁香等豐富材料熬製而成，難怪飲一啖湯底牛味香濃，散發出多種香料味道。而且麵非常入味，帶一點麻辣味道，好滋味。另外還有其他小食，包括炸百葉豆腐、大腸就是狂、椒鹽四季豆同埋炸沖繩大魷魚🦑都同樣新鮮美味。叫咗咁多嘢，食埋單都只係$500左右，位於沙田區屬於性價比高的一間台式餐廳。