Video
Read full review
2024-06-27
164 views
有時候我會因為餐廳主題而去，比如卡通，品牌cross over咁。但如果因為食物題材而去，相對就要嚴格d，因為敢標榜食材，一定係有信心先做到。既然呢間餐廳係叫草同海，我就分開講下。 🍖草，綠色食材，第一時間叫個牛油果沙律，其中一邊用半個配合蟹子，黑白芝麻等等，令到成件事唔腻，而且口感豐富，另外半個，喺將牛油果打成蓉，放入去已經挖空既牛油果皮，底層再加上三文魚碎，由於牛油果已經變成半液體，質感變成同mousse 一樣，嫩滑有層次，而且非常creamy。去到呢度先跳到去甜品部份。兩個特別甜品，喺分別代表海同草嘅苔球同薯仔，我地叫左薯仔，其實佢係有脆皮包住，裡面係tiramisu ，酒香超濃，而甜品本身就好滑。 🍖海，我地叫左炸蠔，海膽魚子忌廉汁墨魚麵。個蠔好脆，最緊要係食到炸油既新鮮，有時食油渣食物，油重複用多幾次，識食嘅一定食得出。另一方面， 忌廉汁超配合海膽，唔單止帶出海膽嘅鮮味，更加唔會殘留半點腥味。 🍖禽，雞肉卷，哩嗰唔喺主題菜式，但係我都想睇下佢嘅質素，佢中間都夾雜著 D 菇，透過滑嘟嘟菇菌，更加體現雞肉既嫩滑，所以"草"仍然係哩個菜式發揮重要作用。 🍺最後係飲品，mix ber
🍖草，綠色食材，第一時間叫個牛油果沙律，其中一邊用半個配合蟹子，黑白芝麻等等，令到成件事唔腻，而且口感豐富，另外半個，喺將牛油果打成蓉，放入去已經挖空既牛油果皮，底層再加上三文魚碎，由於牛油果已經變成半液體，質感變成同mousse 一樣，嫩滑有層次，而且非常creamy。去到呢度先跳到去甜品部份。兩個特別甜品，喺分別代表海同草嘅苔球同薯仔，我地叫左薯仔，其實佢係有脆皮包住，裡面係tiramisu ，酒香超濃，而甜品本身就好滑。
🍖海，我地叫左炸蠔，海膽魚子忌廉汁墨魚麵。個蠔好脆，最緊要係食到炸油既新鮮，有時食油渣食物，油重複用多幾次，識食嘅一定食得出。另一方面， 忌廉汁超配合海膽，唔單止帶出海膽嘅鮮味，更加唔會殘留半點腥味。
🍖禽，雞肉卷，哩嗰唔喺主題菜式，但係我都想睇下佢嘅質素，佢中間都夾雜著 D 菇，透過滑嘟嘟菇菌，更加體現雞肉既嫩滑，所以"草"仍然係哩個菜式發揮重要作用。
🍺最後係飲品，mix berry同牛油果smoothie 都可以感覺到用左新鮮嘅材料，特別好飲細滑。
餐廳食品冇辜負到佢嘅名字，簡單黎講就係名副其實。
Post
