コメダ珈琲店

Open Now

Now Closed

之前喺名古屋食過早餐覺得唔錯，依家開到黎香港當然要試下，不過真係好多人排隊。叫左Komeda必食推介—冰與火。其實係牛奶軟雪糕配日本Komeda自家製丹麥麵包(伴糖漿）。佢話係由64層酥皮叠製而成，可能因為太有期望，所以食落有啲失望。個麵包好重發酵味，唔香唔甜唔鬆脆，最後食晒個雪糕就算，個包食剩左一半。反而個雪糕好香滑好有牛奶味，咖啡就叫左Komeda特製黑咖啡，話係選用巴西最高級嘅咖啡豆，唔苦幾有咖啡味，都算香濃，正常日式咖啡。之前喺日本食覺得佢個魚柳包幾好食，下次再去都係食返魚柳包加杯咖啡算了。