Video
Read full review
2011-03-09
416 views
上星期四師傅正喺度發呆之際, 腦海忽然閃出好友食家"乜都放入窿", 噢! 原來師傅好掛住佢! 正喺度諗緊好友食家"乜都放入窿"的時候, 師傅嘅手機竟然彈出一條短訊, 就係由好友食家"乜都放入窿"發送出黎的, 啲時間竟然咁得意! 原來好友食家"乜都放入窿"想搵師傅當天晚上食飯, 咁啱師傅當日又得閒, 食飯當然冇問題啦!好友食家"乜都放入窿"就提議黎呢間食店, 師傅當然冇問題, 皆因早一陣子已經同好友食家"乜都放入窿"黎過一次, 由於師傅太忙所以未有時間寫食評; 既然再黎, 師傅當然要寫番個新鮮熱辣嘅食評啦!大約晚上八時半到達, 喺步入食店前發現九點前依然係歡樂時光, 咁就正正啱晒好友食家"乜都放入窿"同埋師傅啦! 入到食店鬼死咁多人, 幸好唔使好耐就有一張寬敞嘅枱, 坐底後就即刻腸下有咩好食, 師傅就冇咩所謂, 所以最後將個波就橫傳比好友食家"乜都放入窿", 最後就決定柯打愛神百勝批, 蜆肉會意粉同埋炸春卷, 每人各柯打一杯大生啤!食物未登場時, 師傅當然係同好友食家"乜都放入窿"啤一啤, 再吹下水啦! 吹左都唔係好耐就已經有得食, 而第一道菜登場的是炸春卷, 繼而係愛神百勝批同蜆肉會意
好友食家"乜都放入窿"就提議黎呢間食店, 師傅當然冇問題, 皆因早一陣子已經同好友食家"乜都放入窿"黎過一次, 由於師傅太忙所以未有時間寫食評; 既然再黎, 師傅當然要寫番個新鮮熱辣嘅食評啦!
大約晚上八時半到達, 喺步入食店前發現九點前依然係歡樂時光, 咁就正正啱晒好友食家"乜都放入窿"同埋師傅啦! 入到食店鬼死咁多人, 幸好唔使好耐就有一張寬敞嘅枱, 坐底後就即刻腸下有咩好食, 師傅就冇咩所謂, 所以最後將個波就橫傳比好友食家"乜都放入窿", 最後就決定柯打愛神百勝批, 蜆肉會意粉同埋炸春卷, 每人各柯打一杯大生啤!
食物未登場時, 師傅當然係同好友食家"乜都放入窿"啤一啤, 再吹下水啦! 吹左都唔係好耐就已經有得食, 而第一道菜登場的是炸春卷, 繼而係愛神百勝批同蜆肉會意粉都搶住出閘; 咁師傅就先講下炸春卷, 春卷絕對係即叫即炸, 皆因入口熱辣辣兼且炸得勁脆, 亦唔油膩, 而餡料以菜為主, 入口清爽, 春卷外脆內清, 感覺十分舒服; 雖然係熱氣不過真係好好味, 師傅對呢碟炸春卷真係十分欣賞, 絕對係必食推介!
愛神百勝批嘅餡料主要由磨菇, 火腿同青椒等配合而成, 批係屬於薄批, 批身脆口唔硬, 感覺不錯, 而磨菇新鮮爽甜, 火腿同青椒就冇咩特別, 整個批係好味, 有別於平時一般嘅薄餅; 最後係蜆肉會意粉, 一款看似十分普通嘅食物, 偏偏令師傅有喜出望外嘅感覺, 最主要原因相信係啲意粉, 因為意粉煮得勁乾身, 而且非常爽口, 而值得一提係呢個意粉唔需要靠任何醬汁, 入口依然好味, 加上配料蜆肉新鮮爽口, 整個配搭真的不錯, 好友食家"乜都放入窿"同師傅對呢碟意粉都讚不絕口, 亦係必吃之選!
總括黎講食物質素相當有水準, 稱得上甚佳, 服務態度有禮, 令人舒服, 環境就係酒吧格局, 價錢亦算合理, 三款食物四杯大啤, 埋單都係四舊幾水, 每人都係二百二, 抵當抵食! 食到飽飽諗住繼續同好友食家"乜都放入窿"吹下水, 點知當日十分旺場, 店內非常嘈雜, 加上名存實亡嘅禁煙制度, 亦間接加促離開嘅情緒! 還望下次再來食客人數能減半, 而吸煙人數能達至零啦, 不過相信師傅都係大想頭左; 但笑臉都真係值得一比!
Post
