有蒸氣 海鮮石鍋專門店 (Closed)

唔洗講都知香港人不嬲都好鍾意打邊爐，不過蒸氣邊爐應該相對會比較少人食過，兩者最大嘅分別除左蒸氣火鍋能夠將食物精華鎖緊係食物當中唔會流失之外，仲有嘅就係蒸氣火鍋需要掌握蒸煮嘅時間，所以一般都有專人幫你去蒸煮食物，有更加高級嘅享受今日去到寶軒酒店一樓嘅 有蒸氣 海鮮石鍋專門店 品嚐蒸氣火鍋，黎食野嘅朋友不妨可以留意多啲周圍嘅人，因為呢間蒸氣火鍋店都幾多名星黎幫襯同朋友二人黎到，因為我地都鍾意食牛，所以就叫左個有牛肉嘅二人蒸氣火鍋海鮮套餐，總共有8款食物，計返嘅話都係大概＄50一款食物，都唔算話好貴，而成晚最鍾意食嘅就係紐西蘭蟶子同安格斯牛小排紐西蘭蟶子用上香蒜粒、洋蔥粒同粉絲一齊去蒸煮，蔥蒜除左可以辟去蟶子僅有嘅腥味之餘，仲令蟶子生息唔少，唔會白色一條咁咁單調，粉絲嘅作用就緊係吸取蟶子嘅精華啦～紐西蘭蟶子嘅優勝之處係好肥美爽滑，每一啖都有濃濃嘅蟶子汁流出黎，鮮甜好味以往安格斯牛嘅食法一係就滾熟，一係就煎香／烤黎食，蒸黎食就真係第一次，蒸完嘅安格斯牛肉片肉汁鎖緊係牛入面，牛肉香味俱全，放入口感覺嫩而不「鞋」，可惜套餐得4片，真係唔夠喉，不過原來可以散叫，大家識做啦XD