Video
Read full review
2017-03-31
16323 views
Bread Street Kitchen & Bar在2014年挾地獄廚神Gordan Ramsay之名氣落戶在蘭桂坊，餐廳開業嘅時候，各路老饕、吃貨蜂擁而至。記得當時，在網上訂位至少三個月後才能品嘗到，而我們也趁着熱潮來了潮聖。那次的印象是，原來經廚神指點的餐廳也不外如是。隔了大概兩年嘅時間，今日重臨舊地。餐廳氣氛依舊relaxing，黑白格紋地磚配以泥水牆的復古裝修依舊型格。座位同座位之間空間感充足，唔會有壓迫感。好，講返食物。Set lunch $178 - 2 course, $238 - 3 course,主菜如果揀牛扒要加$148。先來牛油和麵包，麵包有三款，賣相唔錯，但係拎上手已經冷卻，口感變得乾而硬，隨口咬兩啖就食唔落去了。。。頭盤大家都揀咗Pig croquette, 呢個炸豬肉丸子都幾好味，外面炸得香脆，入面係味道濃郁嘅豬肉。然後主菜我哋一人揀咗羊肩，一人揀咗牛扒。羊肩一上枱已經聞到陣陣嘅羊膻味，本身我並唔抗拒呢個味道；但係當我見到件羊肩大部份位置都係脂肪嘅時候，不禁對呢個主菜有啲失望。老實說，羊肉嘅部份的確肉質嫰滑而表面焦香，但係羊肉嘅部份真係太少喇。。。呢碟係1
隔了大概兩年嘅時間，今日重臨舊地。餐廳氣氛依舊relaxing，黑白格紋地磚配以泥水牆的復古裝修依舊型格。座位同座位之間空間感充足，唔會有壓迫感。
好，講返食物。
Set lunch $178 - 2 course, $238 - 3 course,主菜如果揀牛扒要加$148。
先來牛油和麵包，麵包有三款，賣相唔錯，但係拎上手已經冷卻，口感變得乾而硬，隨口咬兩啖就食唔落去了。。。
頭盤大家都揀咗Pig croquette, 呢個炸豬肉丸子都幾好味，外面炸得香脆，入面係味道濃郁嘅豬肉。
然後主菜我哋一人揀咗羊肩，一人揀咗牛扒。
羊肩一上枱已經聞到陣陣嘅羊膻味，本身我並唔抗拒呢個味道；但係當我見到件羊肩大部份位置都係脂肪嘅時候，不禁對呢個主菜有啲失望。老實說，羊肉嘅部份的確肉質嫰滑而表面焦香，但係羊肉嘅部份真係太少喇。。。
呢碟係10安士嘅Rib eye，厚切的牛扒份量充足，外表誘人。
切開牛扒見到嘅係鮮嫩嘅粉紅色，師傅煎扒火候控制得宜，外面帶焦香，而且將肉汁緊緊封鎖係入面。美中不足嘅係，牛扒質素一般，筋比較多，食落頗多渣的感覺。。食到呢度，本身已經冇咩期望啦，點知甜品味道又幾好喎。
拖肥布甸香味濃郁，與焦糖醬簡直係絕配。暖嘅布甸加埋clotted cream一齊食，口感層次好豐富！雖然係好甜好滯，但食下食下竟然成個食晒
呢味薄切菠蘿加熱情果醬同sorbet酸酸甜甜，好refreshing，消滯一流！最後埋單每人大約$350，呢個價錢，其實可以有更好嘅選擇。可能都係期望太高，難免失望。短期內都應該唔會再嚟朝聖了
Post
