泰芒了 (Closed)

今日同朋友經過太子，見到好多人大排長龍，原來係排住隊買杯超大杯芒果飲品。杯飲品望落真係好吸引，於是我地亦都加入排埋一份，點知店內人手嚴重不足，一排就排左一個小時(而家諗返都覺得我地真係傻左-"-).終於買到杯飲品，真係超大杯，超碼兩個人先飲得完。立即飲返一啖先，點知係冇想像中好。三十幾度飲一杯唔凍的果汁，而且味道偏淡又冇芒果的香味，可能係主打"健康"冇外加糖掛，我心諗。果汁上面有一層白色的物質，我仲以為係椰汁/漿，點知係厚厚的一層奶油。奶油真係好鬼膩，而且之後仲同果汁溶埋一齊，真係幾核突，味道又唔夾。唯一好嘅係奶油上面有沙冰同幾舊大芒果肉。沙冰唔會太粗粒，而芒果肉大大舊啖啖肉，係就係甜嘅但就冇咩芒果香味囉。