Video
Read full review
2014-02-18
2194 views
男友約我今晚去九龍城食飯, 我心諗梗係又食泰菜啦! 點知佢話俾個驚喜我~ 哈哈, 去到餐廳門外, 發現竟然係間印度菜館 (≧∇≦) 又真係幾驚喜, 因為唔知呢頭原來都有印度菜食!! 一開門, 濃濃嘅香味已經撲面而來, 真係未食先興奮! 餐廳嘅環境都不錯, 暗暗哋嘅燈光配合充滿印度風味嘅裝修, 感覺舒適! 而且餐廳入面仲有一個酒吧, 都幾特別 ^^ 因為喺重慶大廈嗰邊未見過!!一坐低, 侍應就即刻親切地送上免費嘅胡椒薄餅 ^^ 仲隨餅附上薄荷醬, 酸辣醬 & 醃洋蔥粒~ 薄餅好脆, 雖然冇乜胡椒味, 但鹹鹹哋都好醒胃 ^^ 點不同醬料一齊食就風味更佳!!喺我哋仲享受緊薄餅之際, 飲品就已經送到! 我點咗 Lassi Mango, 而男友就點咗名為 Godfather 嘅啤酒 ^o^ 佢貪個名夠趣怪!! Lassi Mango 超好飲, 喺我飲過最好飲嘅一杯! 芒果味超濃, 配合酸乳特有嘅口感, 真係冇得彈 (≧3≦) 個啤酒就中規中矩, 冇乜特別!喺我仲陶醉於 Lassi Mango 嘅美好之時, 串燒五香雞件又俏俏地送到 ^^ 香滑惹味嘅香雞件, 配埋被鐵板煮熟嘅洋蔥一齊食~ 真係好味
一開門, 濃濃嘅香味已經撲面而來, 真係未食先興奮! 餐廳嘅環境都不錯, 暗暗哋嘅燈光配合充滿印度風味嘅裝修, 感覺舒適! 而且餐廳入面仲有一個酒吧, 都幾特別 ^^ 因為喺重慶大廈嗰邊未見過!!
一坐低, 侍應就即刻親切地送上免費嘅胡椒薄餅 ^^ 仲隨餅附上薄荷醬, 酸辣醬 & 醃洋蔥粒~ 薄餅好脆, 雖然冇乜胡椒味, 但鹹鹹哋都好醒胃 ^^ 點不同醬料一齊食就風味更佳!!
喺我哋仲享受緊薄餅之際, 飲品就已經送到! 我點咗 Lassi Mango, 而男友就點咗名為 Godfather 嘅啤酒 ^o^ 佢貪個名夠趣怪!! Lassi Mango 超好飲, 喺我飲過最好飲嘅一杯! 芒果味超濃, 配合酸乳特有嘅口感, 真係冇得彈 (≧3≦) 個啤酒就中規中矩, 冇乜特別!
喺我仲陶醉於 Lassi Mango 嘅美好之時, 串燒五香雞件又俏俏地送到 ^^ 香滑惹味嘅香雞件, 配埋被鐵板煮熟嘅洋蔥一齊食~ 真係好味到難以形容!! 只能講, 雞件醃得好入味, 燒起上嚟外面焦焦地, 但內裡仲好滑… 真係食到停唔到口呀!!!
緊接出場嘅係香料炒飯 ^^ 白飯混合咗好多香料一齊炒, 粒粒分明又唔油膩, 味道好特別! 不論配咖喱或直接食, 都一樣美味!!
同一時間出場嘅仲有原汁咖喱牛腩 ^^ 一放低, 已聞到香濃嘅咖喱味, 少少辣, 超惹味! 而且啲牛腩好稔, 不論配烤餅或炒飯一齊食, 都令人食指大動 ^^
點得咖喱, 除咗飯之外, 又點少得烤餅吖! 為食嘅我哋就兩樣都點哂 (￣∇￣) 我哋點咗蒜蓉烤餅 ^^ 外脆內軟, 加上頗多嘅蒜蓉~ 就算唔點咖喱汁直接食, 都包你食到停唔到口!!
原本想試吓印度甜品, 但因為點咗太多飽肚嘅美食, 食完已經超飽… 唯有留待下一次啦…! 點知埋單之時, 侍應又送上一碟免費嘅甜點 ^^ 一碟盛載住好多香草 (香草入面又有啲有香草味嘅糖珠) & 糖晶嘅拼盤 ( ´▽` ) 好唔好味就見仁見智, 但我食完之後, 覺得咖喱嘅辣即刻減退哂~ 哈哈, 難道印度人就係食呢啲嚟代替香口膠!?
呢餐簡單嘅晚飯真係充滿驚喜 ＼(^o^)／而且味道好到冇得彈! 不愧為正宗印度菜館, 真係比重慶大廈嗰邊啲餐廳更加美味!! 真係一間不能不推介嘅餐廳~
Post
